Author: નોબત સમાચાર
દરેડના તક્ષશિલા સંકુલમાં થશે ભવ્ય પરશુરામ ધામનું નિર્માણઃ સંતો-ધર્મગુરૂઓ પધારશે
શંકરાચાર્ય પૂ. સ્વામી સદાનંદજીના હસ્તે ભૂમિપૂજનઃ
જામનગર તા. ૧: દ્વારકાના પશ્ચિમામ્નાય શારદાપીઠાધીશ્વર જગદગુરૂ સ્વામી શ્રી સદાનંદ સરસ્વતીજી મહારાજશ્રીના કરકમલોથી પરશુરામ ધામનું નિર્માણ કાર્ય શરૂ થશે. જેમાં ધર્મધુરંધરો, સંતો, મહંતો પધારશે. આગામી ૫ મે ૨૦૨૫ના ભૂમિપૂજન સાથે બ્રહ્મચોર્યાસીનું આયોજન પણ થશે.
વિષ્ણુના છટ્ઠા અવતાર એવા પરશુરામ ભગવાનનું ભવ્યાતિભવ્ય મંદિર જામનગર નજીક દરેડ ગામે આવેલ તક્ષશિલા સંકૂલમાં નિર્માણ કરવામાં આવશે. દ્વારકા શારદા પીઠાધિશ્વર અનંત શ્રી વિભૂષિત જગતગુરુ શંકરાચાર્ય શ્રી સદાનંદ સરસ્વતીજી મહારાજશ્રીના કરકમલોથી આગામી તા. ૦૫ મે ૨૦૨૫ ના વૈશાખ સુદ અષ્ટમીના શુભ મુહૂર્તે કરવામાં આવશે.
આ પ્રસંગે સકળ ભૂદેવોની બ્રમ્હચોર્યાસીનું પણ આયોજન કરવામાં આવશે. આ ભૂમિપૂજન કાર્યક્રમ અંગે તાજેતરમાં શંકરાચાર્ય શ્રી સદાનંદ સરસ્વતીજી મહારાજશ્રીએ મુહૂર્ત જણાવતા તક્ષશિલા પરિવારના કાર્યકરોને આ ભવ્ય અને દિવ્ય મંદિરના નિર્માણ કાર્યમાં સક્રિય થવા આહવાન કરેલ છે. તેમજ ભૂમિપૂજન ઉત્સવ ને દિવસે સમસ્ત બ્રહ્મસમાજની બ્રહ્મચોર્યાસીનું પણ આયોજન કરવામાં આવેલ છે.
આ શુભ પ્રસંગે સમગ્ર દેશભરમાંથી અનેક સંતો, મહંતો, ધર્માચાર્યો, કથાકારો, સમાજના આગેવાનો, વડીલો અને ઊભરતા યુવા તેજસ્વી તારલાઓ ઉપસ્થિત રહેશે. વિશાળ સમિયાણા સાથે આ ભૂમિ પૂજનમાં દિવ્યતાના દર્શન થશે.
તાજેતરમાં આ મંદિરના નિર્માણકાર્ય માટે પરશુરામ ભગવાન ની જન્મભૂમિ જાનાપાઉં (મધ્ય પ્રદેશ)થી રજકુંભ લાવી સ્થાપના કરવામાં આવેલ છે. તેમજ સમૂહો સાથે સંકલન કરી આ મંદિરનું નિર્માણ કાર્ય ત્વરિત પૂર્ણ થાય તે માટે પ્રયત્નો કરવામાં આવી રહૃાા છે. તેમ તક્ષશિલા પરિવારએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
