Author: નોબત સમાચાર
માનપરની સીમમાં આવેલી જમીન અંગે બાલંભાના આગેવાનનો દાવો થયો મંજૂર
તે દાવા સામેનો કાઉન્ટર ક્લેઈમ રદ્દ કરતી અદાલતઃ
જામનગર તા.૧ : જોડિયા તાલુકાના માનપરમાં આવેલી એક જમીન અંગે બાલંભા ગામ ના એક આગેવાને અદાલતમાં દાવો કરી પોતે આ જમીનના માલિક છે તેમ ઠરાવી આપવા માગણી કરી હતી. તેની સામે વાદીના સગાભાઈએ કાઉન્ટર ક્લેઈમ કર્યાે હતો. અદાલતે વાદીનો દાવો મંજૂર કર્યાે છે અને કાઉન્ટર ક્લેઈમ રદ્દ કર્યાે છે.
જોડિયા તાલુકાના બાલંભા ગામના આગેવાન ગોવિંદભાઈ ભગુભાઈ ધવડ નામના આસામીએ જોડિયા તાલુકાના માનપર ગામની સીમમાં આવેલી સર્વે નં.૬, ૭, ૮વાળી જમીન પોતાની હોવાનું જણાવી તે જમીનમાં તેમના સગાભાઈ અરજણભાઈ ભગુભાઈ ધવડનો કોઈ હક્ક ન હોવાનું કે તેઓ માલિક ન હોવાનું ઠરાવી આપવા જોડિયાની અદાલતમાં દાવો કરી મનાઈહુકમની માગણી કરી હતી.
આ દાવા સામે વર્ષ ૨૦૧૪માં અરજણભાઈ ભગુભાઈએ સામો દાવો કરી તે જમીનના પોતે માલિક છે તેમ ઠરાવી આપવા માગણી કરી હતી. ઉપરોક્ત દાવા જોડિયાની અદાલતમાં ચાલી જતાં અદાલતે ગોવિંદભાઈ ધવડનો દાવો મંજૂર રાખ્યો છે અને અરજણભાઈએ કરેલો સામો દાવો રદ્દ કરવાનો હુકમ કર્યાે છે. ગોવિંદભાઈ તરફથી વકીલ એસ.કે. રાચ્છ, વિરલ રાચ્છ, સોહિલ બેલીમ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
