Author: નોબત સમાચાર
નાઘેડી સ્થિત મકાનમાંથી રૂ.૧૦ હજાર રોકડા તથા બે મોબાઈલ ચોરનાર ઝબ્બે
મેઘપરની ગુજરીબજારમાં પણ મોબાઈલ ઉઠાવ્યો હતોઃ
જામનગર તા.૧ : જામનગરના નાઘેડી પાસે રહેતા એક આસામીના ઘરમાંથી રૂ.૧૦ હજાર રોકડા તથા બે મોબાઈલ ચોરાઈ ગયા હતા અને મેઘપરની ગુજરી બજારમાં એક આસામીનો મોબાઈલ સેરવાયો હતો. આ બંને ચોરીમાં સંડોવાયેલા બે શખ્સને એલસીબીએ દબોચી લઈ મુદ્દામાલ કબજે કર્યાે છે.
જામનગર-ખંભાળીયા માર્ગ પર આવેલા નાઘેડી પાસે લહેર તળાવ નજીક વસવાટ કરતા ભૂપતભાઈ ઘોડાસરા નામના આસામીના મકાનમાં ઉપરના માળે ચાર્જીંગમાં રાખવામાં આવેલા બે મોબાઈલ તથા રૂ.૧૦ હજાર રોકડાની ચોરી થઈ હતી. જ્યારે મોટી ખાવડી સ્થિત લેબર કોલોની-૧માં વસવાટ કરતા અશોક જય બહાદુર થાપા નામના આસામી મેઘપર પાસે ગુજરીબજારમાં ખરીદી કરવા ગયા ત્યારે તેમના ખિસ્સામાંથી મોબાઈલની ઉઠાંતરી થઈ હતી.
ઉપરોક્ત બંને ગુન્હાની ચાલી રહેલી તપાસમાં એલસીબીના કાસમ બ્લોચ, મયુરસિંહ, હિતેન્દ્રસિંહને બાતમી મળી હતી કે, આ ગુન્હાઓમાં સંડોવાયેલા બે શખ્સ લાલપુર બાયપાસથી સમાણા રોડ પર જઈ રહ્યા છે.
તે બાતમીથી પીઆઈ વી.એમ. લગારીયાને વાકેફ કરાયા પછી પીએસઆઈ પી.એન. મોરી, સી.એમ. કાંટેલીયા સહિતનો સ્ટાફ દોડી ગયો હતો. તેઓએ શંકરટેકરી સ્થિત સુભાષપરામાં રહેતા આરીફ રફીક મકવાણા અને દિનેશ દામજી રાંદલપરા નામના બે શખ્સને દબોચી લઈ તલાશી લેતા આ શખ્સોના કબજામાંથી રૂ.૧૦ હજાર રોકડા અને ત્રણ મોબાઈલ મળી આવ્યા હતા. આ શખ્સોએ ઉપરોકત બંને ચોરીની કબૂલાત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
