Author: નોબત સમાચાર
જુની આરટીઓ કચેરી પાસે ડી.પી. કપાત અન્વયે પાડતોડ
જામનગર મ્યુનિ. કમિશનર, એસપીએ લીધી હતી મુલાકાતઃ સાત રસ્તાનું નામ ખરા અર્થમાં થશે સાર્થક
જામનગર તા. ૧: જામનગરમાં વધુ એક રસ્તાની સુવિધા માટે ગઈકાલે પાછલા તળાવથી જુની આર.ટી.ઓ. કચેરી પાસે ડી.પી. કપાત અન્વયે પાડતોડ કરવામાં આવી હતી. આમ સાતમો રસ્તો બનાવીને સાત રસ્તાનું નામ ખરા અર્થમાં સાર્થક થવા જઈ રહ્યું છે.
લાખોટા તળાવની પાળેથી જુની આર.ટી.ઓ. કચેરીથી મિગ કોલોની તરફનો વધુ એક માર્ગ ખુલ્લો કરવામાં આવી રહ્યો છે.
ગઈકાલે સવારે મ્યુનિ. કમિશનર ડી.એન. મોદી તથા એસ.પી. પ્રેમસુખ ડેલુએ સ્થળ મુલાકાત કરી હતી અને બપોર પછી આ માર્ગે ડી.પી. કપાતમાં નડતરરૂપ સરકારી કચેરીની પાડતોડ કરવામાં આવી હતી. ગઈકાલે વર્ષો જુના જ પોલીસ મથકની ઈમારતને મશીનરીની મદદથી તોડી પાડવામાં આવી હતી. આ કામગીરી હજુ પણ ચાલુ છે.
મહાનગરપાલિકાના એસ્ટેટ શાખાના અધિકારી એન.આર. દિક્ષિત, સુનિલ ભાનુશાળી સહિતનાઓની દેખરેખ હેઠળ પાડતોડ કામગીરનો પ્રારંભ કરવામાં આવ્યો હતો. હજુ પણ અમુક સરકારી કચેરીની જરૂરી ભાગની પાડતોડ કરવામાં આવનાર છે. સમગ્ર રૂટની જરૂરી પાડતોડ પછી રસ્તાનું નવીનિકરણ કરવામાં આવશે અને એક નવો માર્ગ ખુલ્લો થતા લોકોને સુવિધાનો લાભ મળશે, અને સાત રસ્તાનું નામ પણ સાર્થક થશે, કારણ કે આ રસ્તો સાતમો રસ્તો બનશે. જેનાથી ટ્રાફિક સમસ્યા પણ હળવી બનશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
