Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
પૂર્વ કર્મચારી સહિત ચાર સામે કરાઈ ફરિયાદઃ
જામનગર તા.૧ : જામનગરના ખંભાળિયા નાકા બહાર આવેલી ચાની હોટલે ગુરૂવારની રાત્રે ધસી આવેલા ચાર શખ્સે હોટલ સંચાલક સહિત બે પર હુમલો કરી હોટલ ખોલીશ તો પતાવી દઈશું તેવી ધમકી આપી હતી. એક કર્મચારીને સંચાલકે કામ બાબતે ઠપકો આપતા તે કર્મચારી તથા તેના ત્રણ સાગરિતે હુમલો કર્યાે હતો.
જામનગરના ખંભાળિયા નાકા વિસ્તારમાં શક્તિ હોટલ નામની ચાની હોટલે તેના સંચાલક અને ઠેબા ચોકડી પાસે શ્યામ ગ્રીન સોસાયટી-૩માં રહેતા મૂળ ભલસાણ ગામના બિજલ મેસુરભાઈ ધ્રાંગીયા તથા સાગર ભરવાડ પર ચાર શખ્સે ઢીકાપાટુ અને મુંઠ વડે હુમલો કરી ગુરૂવારની રાત્રે માર માર્યાે હતો. બંને ઈજાગ્રસ્તને સારવારમાં ખસેડાયા હતા.
બનાવની જાણ થતાં સિટી એ ડિવિઝનનો પોલીસ કાફલો ત્યાં દોડી ગયો હતો. તે પછી બિજલભાઈએ ગઈકાલે પોલીસમાં દિવ્યેશ નિલેશ વાઘેલા, મૌલિક, રૂદ્ર, શક્તિસિંહ સામે ફરિયાદ નોંધાવી છે.
ફરિયાદમાં જણાવ્યા મુજબ અગાઉ દિવ્યેશ વાઘેલા તેમની હોટલમાં કામ કરતો હતો ત્યારે બિજલભાઈએ તેને ઠપકો આપ્યો હતો. તેનો ખાર રાખી ગુરૂવારની રાત્રે દસેક વાગ્યે દિવ્યેશ હોટલે આવ્યો હતો. તે પછી બાઈક પર મૌલિક, રૂદ્ર તથા શક્તિસિંહ ધસી આવ્યા હતા. આ શખ્સોએ ગાળો ભાંડયા પછી રૂદ્રએ મુંઠ વડે અને બાકીના ત્રણ શખ્સે ઢીકાપાટુથી હુમલો કરી માર માર્યાે હતો અને હોટલ ખોલીશ તો જાનથી મારી નાખીશું તેવી ધમકી આપી હતી. પોલીસે બીએનએસ તથા જીપી એક્ટની કલમ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial