Author: નોબત સમાચાર
જામનગર મહાનગરપાલિકાની ખાસ સામાન્ય સભા તા. ૧ર માર્ચે યોજાશે
પાંચ દરખાસ્તો મંજુર માટે રજૂ થશે
જામનગર તા. ૬: જામનગર મહાનગર પાલિકાની ખાસ સામાન્ય સાધારણ સભા તા. ૧ર ના યોજવામાં આવી છે. આમ બે સપ્તાહમાં જ બીજી વખત સામાન્ય સભા યોજાઈ રહી છે.
જામનગર મહાનગર પાલિકાની ખાસ સામન્ય સભા આગામી તા. ૧ર અને બુધવારે સવારે ૧૧-૩૦ કલાકે ટાઉનહોલમાં મેયરના અધ્યક્ષસ્થાને મળનાર છે.
મનોજ ભટ્ટ અને અન્ય ૧ર કર્મચારીઓ દ્વારા મહાનગર પાલિકા વિસ્તારમાં નગર પાલિકા શિક્ષણ સમિતિ દ્વારા નિમણૂક પામેલ ફૂલ ટાઈમ ચોકીદાર-કમ-પટાવાળા હાઈકોર્ટમાં અલગ અલગ રીટપીટીશન દાખલ કરેલ તેના હુકમ મુજબ તેઓને ટર્મીનલ બેનીફીટ આપવા માટેની દરખાસ્ત, નગર પ્રાથમિક શિક્ષણ સમિતિ દ્વારા નિમણૂક પામેલ પટાવાળાને નિયમિત કરવા સંબંધે ઔદ્યોગિક અદાલતના હુકમ સામે સંસ્થા દ્વારા હાઈકોર્ટમાં કરેલ પેન્ડીંગ અપીલ દરમિયાન વિવાદનું સમાધાન કરવા નિર્ણય કરવામાં આવશે.
મહાનગરપાલિકા હદ વિસ્તારમાં રે.સ. નંબર ર૭૭ તેમજ વિભાપર ગામના સર્વે નંબરો તથા રંગમતિ નદી ઉપર બ્રીજ બનાવવા માટે હિરેનભાઈ રામદેવભાઈ ડેરની રજૂઆત અન્વયે તેઓને સ્વખર્ચે પુલ બનાવવા માટેની દરખાસ્તને સામાન્ય સભામાં નિર્ણય લેવાશે.
કામ ચલાવ પુનઃરચના, નગરરચના નંબર (ર૧) જામનગરમાં સમાવિષ્ટ સમુચિત સત્તા મંડળને ફાળવાયેલ જાહેર હેતુના અંતિમ ખંડો તથા ટીપી રસ્તાની દરખાસ્તને પરામર્શ આપવાની દરખાસ્ત પણ મંજુરી માટે સામાન્ય સભામાં રજૂ થશે.
આ ઉપરાંત નગરરચના નંબર ર૩ ની દરખાસ્ત પણ મંજુરી માટે રજૂ થશે, આમ ખાસ સામાન્ય સભામાં પાંચ એજન્ડા, દરખાસ્તો માટે રજૂ થનાર છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
