Author: નોબત સમાચાર
મુંબઈના માહીમના યુવાન લાપત્તાઃ દ્વારકા લોકેશન મળતા તપાસનો દૌર લંબાવાયો
મુંબઈ પોલીસમાં પત્નીએ જાણ કરીઃ
જામનગર તા.૬ : મુંબઈના માહીમ વિસ્તારમાં રહેતા એક યુવાન ગયા શનિવારે પોતાના ઘરેથી કામે જવાનું કહીને નીકળ્યા પછી ગુમ થઈ જતાં તેમના પત્નીએ પોલીસને જાણ કરી હતી. મુંબઈ પોલીસની તપાસમાં આ યુવાનના મોબાઈલનું લોકેશન દ્વારકામાં નીકળ્યા પછી પણ દ્વારકામાંથી તે યુવાન મળ્યા નથી. પોલીસે શોધખોળ યથાવત રાખી છે. મહારાષ્ટ્રના મુંબઈના માહીમ (વેસ્ટ) પરાના એસવી રોડ પર રહેતા જયેશ વિઠ્ઠલ તરે નામના પાંત્રીસ વર્ષના કોળી યુવાન માછીમારી તથા કેટરીંગ નો વ્યવસાય કરતા હતા. તેઓ ગઈ તા.૧ના દિને પોતાના મિત્ર રાજસિંગ સાથે બહારગામ કેટરીંગ અંગેનું કામ હોવાથી જવાનંુ છે તેમ કહીને નીકળ્યા પછી ગુમ થયા છે. તેઓ ગઈકાલ સુધી પરત નહીં આવતા તેમના પત્ની પ્રિયંકાબેને માહીમ પોલીસને તેની જાણ કરી હતી. પોલીસે આ યુવાનના મોબાઈલનું લોકેશન કઢાવતા દ્વારકામાં આવેલી એક હોટલનું લોકેશન પ્રાપ્ત થયું હતું તેથી દ્વારકા પોલીસને તેની વિગતો આપવામાં આવી હતી. આમ છતાં આ યુવાનનો પત્તો નહીં લાગતા પોલીસે તેનો ફોટો, વર્ણન મેળવ્યા છે અને તપાસ હાથ ધરી છે. ઉપરોકત તસ્વીરવાળા યુવાન અંગે કોઈને જાણકારી હોય તો તેઓએ મો. ૭૪૩૩૯૭૫૯૧૬ અથવા પીઆઈ ટી.ડી. ચુડાસમા-૯૧૦૬૯ ૪૬૯૯૭નો સંપર્ક સાધવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
