Author: નોબત સમાચાર
લાલપુરની ગુજરી બજારમાં સોનાના વેઢલાની લૂંટ કરનાર શખ્સ ઝડપાયો
વેઢલો, બાઈક, મોબાઈલ સહિતનો મુદ્દામાલ કબજેઃ
જામનગર તા.૬ : લાલપુરની ગુજરીબજાર પાસે ગયા સોમવારે સાંજે પસાર થતા એક મહિલાના કાનમાંથી બે તોલા જેટલા વજનના સોના ના વેઢલાની લૂંટ થઈ હતી. તે કેસની ચાલી રહેલી તપાસમાં ગજણા ગામના એક શખ્સને પોલીસે પકડી પાડ્યો છે. આ શખ્સે વેઢલો કાઢી આપ્યો છે.
લાલપુર શહેરમાં આવેલી શાક માર્કેટ નજીકની ગુજરી બજારમાંથી એક મહિલા સોમવારે સાંજે ખરીદી કરીને જતા હતા ત્યારે પચ્ચીસેક વર્ષ નો એક શખ્સ આવ્યો હતો. તેણે આ મહિલાના ડાબા કાનમાં પહેરેલા અંદાજે બે તોલા વજનના સોનાના વેઢલાની લૂંટ ચલાવી હતી.
જોતજોતામાં પલાયન થઈ ગયેલા આ શખ્સ સામે તે મહિલાએ પોલીસમાં ફરિયાદ નોંધાવતા પીઆઈ કે.એલ. ગરચરના વડપણ હેઠળની જુદી જુદી પોલીસ ટૂકડી તપાસમાં લાગી હતી. જેમાં સ્ટાફના ટી. બી. જાડેજા, પી.કે. બડીયાવદરાને મળેલી બાતમીના આધારે ગજણા ગામ તરફથી મોટરસાયકલ પર આવી રહેલા ઈમ્તિયાઝ હમીર હમીરાણી નામનો શખ્સ મળી આવ્યો હતો.
આ શખ્સની પૂછપરછ કરાતા તેણે ઉપરોક્ત લૂંટની કબૂલાત આપી હતી. પોલીસે તેનો મોબાઈલ, રૂ.૭૨૫૦ રોકડા, રૂ.૯૦ હજારની કિંમતનો વેઢલો અને જીજે-૧૦-સીએફ ૧૧૩૮ નંબરનું બાઈક કબજે કરી આ શખ્સની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
