Author: નોબત સમાચાર
રહેણાંક મકાનમાંથી મળી આવ્યો ઈંગ્લીશ દારૂની બોટલોનો જથ્થો
ચપલા સાથે પવનચક્કી પાસેથી એક શખ્સની અટકઃ
જામનગર તા.૬ : જામનગરના મોટી ખાવડી ગામમાં વસવાટ કરતા મૂળ કલ્યાણપુરના એક શખ્સના કબજામાંથી પોલીસે ઈંગ્લીશ દારૂની ૧૧ બોટલ કબજે કરી છે. પવનચક્કી પાસેથી એક શખ્સ ચપલા સાથે મળી આવ્યો છે. મોડીરાત્રે નશાની હાલતમાં બાઈક ચલાવીને જતા શખ્સ સામે ગુન્હો નોંધાયો છે.
જામનગર-ખંભાળિયા રોડ પર આવેલા મોટી ખાવડી ગામમાં એક મકાનમાં ભાડે રહેતા શખ્સ પાસે ઈંગ્લીશ દારૂનો જથ્થો હોવાની બાતમી પરથી ગઈકાલે રાત્રે મેઘપર પોલીસ સ્ટેશનના સ્ટાફે દરોડો પાડ્યો હતો.
મૂળ કલ્યાણપુરના ગાગા ગામના હરદેવસિંહ ભરતસિંહ વાઢેર નામના શખ્સના રહેણાંક મકાનમાંથી પોલીસે ઈંગ્લીશ દારૂની ૧૧ બોટલ કબજે કરી છે અને હરદેવસિંહની ધરપકડ કરી છે.
જામનગરના પવનચક્કી વિસ્તારમાંથી ગઈકાલે સાંજે પસાર થતાં વૃંદાવન સોસાયટી વાળા ભરતભાઈ વસંતભાઈ જોબનપુત્રા નામના શખ્સને રોકાવી પોલીસે ચેક કરતા આ શખ્સ પાસેથી ઈંગ્લીશ દારૂનું ચપટુ મળી આવ્યું હતું.
જામનગરના હનુમાન ગેઈટ પોલીસચોકી પાસેથી ગઈરાત્રે રામેશ્વરનગર પાછળ માટેલ ચોકમાં રહેતો મયુરસિંહ રવુભા ઝાલા નામનો શખ્સ જીજે-૧૦ સીઆર ૩૧ નંબરના બાઈકમાં પીધેલી હાલતમાં જતો મળી આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
