Author: નોબત સમાચાર
જામનગરના કેટલાક વિસ્તારોને નો ડ્રોન ફ્લાય ઝોન જાહેર કરાયાઃ જાહેરનામું
વડાપ્રધાનના કાર્યક્રમ અન્વયે બીજી મે ની મધ્યરાત્રિ સુધી
જામનગર તા. ૧: વડાપ્રધાન નરેન્દ્ર મોદી આવતીકાલે જામનગર આવી રહ્યા છે. આથી સુરક્ષા બાબતોને ધ્યાનમાં રાખીને તારીખ બીજી મે ર૦ર૪ ના રાત્રે ૧ર વાગ્યા સુધી નો ડ્રોન ફ્લાય ઝોન જાહેર કરવામાં આવ્યો છે.
આવતીકાલ તા. ર ના વડાપ્રધાન નરેન્દ્ર મોદી જામનગર આવી રહ્યા છે. દેશ-વિદેશથી સંગઠનો, આતંકવાદીઓ અને ભાંગફોડિયા તત્ત્વો માનવ રહિત રિમોર્ટ સંચાલિત વિમાન જેવા સાધનો અથવા માનવ સંચાલિત નાની સાઈઝના વિમાનો જેવા સંસાધનો અથવા એરો સ્પોર્ટસમાં વપરાતા ઉપકરણોનો ગેરલાભ લઈ મહાનુભાવની સુરક્ષા તેમજ કાયદો અને વ્યવસ્થાને હાની પહોંચાડી શકે છે.
આથી અધિક જિલ્લા મેજિસ્ટ્રેટ ભાવેશ એન. ખેરએ જામનગર જિલ્લાના એરફોર્સ સ્ટેશન, પ્રદર્શન ગ્રાઉન્ડ, સાત રસ્તા સર્કલ, જામનગર તથા મહાનુભાવના આવનજાવનનો કોન્વેપ રૂટની આજુબાજુના વિસ્તારને નો ડ્રોન ફ્લાઈ ઝોન જાહેર કરવામાં આવ્યો છે. તે વિસ્તારમાં રિમોટ કંટ્રોલથી ચલાવવામાં આવતા ડ્રોન ક્વાડ કોપ્ટર, પાવર્ડ એરક્રાફ્ટ તેમજ માનવ સંચાલિત માઈક્રો લાઈટ એરક્રાફ્ટ, હેંગ ગ્લાઈડર, પેરા ગ્લાઈડર, પેરા મોટર, હોટ એર બલૂન તથા પેરા જમ્પીંગ ચલાવવા/કરવા ઉપર સંપૂર્ણ પ્રતિબંધ ફરમાવવામાં આવ્યો છે.
પોલીસ-સુરક્ષાબળને આ જાહેરનામામાંથી મુક્તિ આપવામાં આવે છે. તા. ૩૦-૪-ર૦ર૪ થી રાત્રે ૧ર થી તા. ર-પ-ર૦ર૪ ના રાત્રે ૧ર વાગ્યા સુધી આ જાહેરનામું અમલમાં રહેશે. આ જાહેરનામાનો ભંગ કરનાર સામે કાયદેસર પગલાં લેવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
