Author: નોબત સમાચાર
જોડિયાના કેશીયા પાસે ટ્રકના ઠાઠામાં બાઈક ટકરાતા યુવકનું મૃત્યુઃ એકને ઈજા
હાજીપીરના ઉર્ષમાંથી પરત ફરતા હતાઃ
જામનગર તા. ૧: જામનગરના બેડેશ્વર વિસ્તારમાં રહેતા બે યુવાન બાઈક પર હાજીપીરા ઉર્ષમાં ભાગ લેવા માટે ગયા હતા. ત્યાંથી સોમવારે રાત્રે પરત ફરી રહેલા આ યુવાનોનું બાઈક જોડિયાના કેશીયા ગામ પાસે આગળ જતાં ટ્રકના ઠાઠામાં ઘૂસી ગયું હતું. અકસ્માતમાં એક યુવાનનું મૃત્યુ નિપજ્યું છે. બીજાને ગંભીર ઈજા થઈ છે.
જામનગરના બેડેશ્વર વિસ્તારમાં આવેલા ગરીબનગર પાણાખાણમાં રહેતા અનવરભાઈ મામદભાઈ સાંઘાણીનો પુત્ર ઈમ્તિયાઝ તથા અહેમદભાઈ જીજે-૧૦-ડીપી ૧૮રર નંબરના મોટર સાયકલમાં કચ્છના હાજીપીરમાં યોજાયેલા ઉર્ષના કાર્યક્રમમાં ભાગ લેવા માટે ગયા હતા.
ત્યાંથી ગઈકાલે સવારે બંને યુવાનો પરત ફરી રહ્યા હતા ત્યારે અહેમદભાઈ બાઈક ચલાવી રહ્યા હતા. તેઓ જ્યારે સાડા છએક વાગ્યે જોડિયા નજીકના કેશીયા ગામના પાટીયા પાસે પહોંચ્યા ત્યારે અહેમદભાઈએ આગળ દોડી જતાં જીજે-૧૨-બીડબલ્યુ ૬૧૦૫ નંબરના ટ્રકના ઠાઠામાં બાઈક અથડાવ્યું હતું.
આ અકસ્માતમાં રોડ પર પછડાયેલા અહેમદભાઈને ગંભીર ઈજા થઈ હતી. તેઓનું મૃત્યુ નિપજ્યું છે. જ્યારે પાછળ બેસેલા ઈમ્તીયાઝ અનવરભાઈને ઈજા થઈ છે. આ યુવાનને સારવાર માટે હોસ્પિટલમાં ખસેડવામાં આવ્યા છે. તેના પિતા અનવરભાઈએ જોડિયા પોલીસ સ્ટેશનમાં અહેમદભાઈ સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
