Author: નોબત સમાચાર
દિગ્વિજય ગ્રામ પાસે કારા-ભુંગામાં ગંજીપાનાથી જુગાર રમતા ચાર ઝબ્બે
હાપી વાડીમાં ઝડપાયો જુગારનો અખાડોઃ
જામનગર તા. ૧: જામનગર તાલુકાના સિક્કા નજીકના કારા-ભંુગામાં ગઈકાલે ગંજીપાના વડે જુગાર રમતા ચાર શખ્સને પોલીસે પકડી પાડ્યા છે. મીઠાપુરમાંથી ત્રણ મહિલા તીનપત્તી રમતા ઝડપાયા છે. જ્યારે ખંભાળિયા પાસે હાપી વાડીમાં એક ખેતરમાં જામેલી જુગારની મહેફિલ પર એલસીબીએ દરોડો પાડી છ શખ્સને જુગાર રમતા પકડી લીધા છે અને રૂ.૧,૦૫,૪૫૦નો મુદ્દામાલ કબજે કર્યાે છે.
જામનગર તાલુકાના સિક્કા ૫ાસે કારા-ભુંગામાં ગઈકાલે બપોરે જાહેરમાં ગંજીપાના વડે જુગાર રમી રહેલા આનંદભાઈ વાઘજીભાઈ રાઠોડ, રામચરણ સંથાનામ ઐયર, જેઠાભાઈ રાજાભાઈ માતંગ, આલાભાઈ પીઠાભાઈ સોલંકી નામના ચાર શખ્સ પોલીસના દરોડામાં ઝડપાઈ ગયા હતા. પોલીસે પટમાંથી રોકડ તથા ગંજીપાના કબજે કર્યા છે.
ઓખામંડળના મીઠાપુરમાં ગઈકાલે સાંજે તીનપત્તી રમતા ઉષાબેન રમેશભાઈ સચાણીયા, ગીતાબેન મોહનભાઈ ઈન્દરીયા, જીવીબેન મોહનભાઈ ઈન્દરીયા નામના ત્રણ મહિલા પોલીસના દરોડામાં પકડાઈ ગયા છે.
ખંભાળિયા તાલુકાના હાપી વાડી વિસ્તારમાં ગઈકાલે સાંજે જુગાર રમાતો હોવાની બાતમી એલસીબીના મશરીભાઈ, લાખાભાઈ, અરજણભાઈને મળતા પીઆઈ કે.કે. ગોહિલને વાકેફ કરાયા પછી પીએસઆઈ બી.એમ. દેવમુરારી, એ.એલ. બારસીયા, એસ.એસ. ચૌહાણ, એસ.વી. કાંબલીયા તથા સ્ટાફે ત્યાં આવેલા સીમ વિસ્તારમાં દરોડો પાડ્યો હતો. આ સ્થળે આવેલી એક વાડીમાં વીરપાળ હરદાસભાઈ મસુરા નામના શખ્સ દ્વારા જુગાર રમવા માટે વ્યવસ્થા કરવામાં આવી હતી અને તેને નાલ આપી અલીઅકબર રઝાક સંઘાર, અજીઝ જુમાભાઈ સુરાણી, ધારાભાઈ જસાભાઈ ધારાણી, ગોવિંદગર નથુગર ગોસાઈ, ઉમર કાસમ બંદરી નામના પાંચ શખ્સ મળી આવ્યા હતા. એલસીબીએ પટમાંથી રૂ.૩૮,૯૫૦ રોકડા, પાંચ મોબાઈલ, ત્રણ બાઈક સહિત રૂ.૧૦૫૪૫૦નો મુદ્દામાલ કબજે લીધો છે. છએય સામે ખંભાળિયા પોલીસ સ્ટેશનમાં જુગારધારાની કલમ-૪, ૫ હેઠળ ગુન્હો રજીસ્ટર થયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
