Author: નોબત સમાચાર
પૂનમબેન માડમના સમર્થનમાં બેરાજા ગામમાં યોજાયું સમર્થન સંમેલન
જામનગર તા.૧: લોકસભાની ચૂંટણીના મતદાનને હવે જ્યારે ગણતરીના દિવસો બાકી રહ્યા છે, ભારતીય જનતા પાર્ટીના ૧૨-જામનગર લોકસભા બેઠકના ઉમેદવાર અને વર્તમાન સંસદસભ્ય પૂનમબેન માડમના પ્રચાર કાર્યમાં જબરો વેગ આવી ગયો છે.
પૂનમબેન માડમના હાલારના બંને જિલ્લામાં વિવિધ ગામોમાં પ્રવાસ સાથે રોડ શો, જાહેર સભા, સંમેલનો યોજાઈ રહ્યા છે.
બેરાજા ગામમાં પૂનમબેન માડમને જંગી સરસાઈથી વિજયી બનાવવાના સંકલ્પ સાથે જનસમર્થન સમ્મેલન યોજાયું હતું. આ ગામના પ્રવાસ દરમિયાન બેરાજા ગામમાં ચારબારા જિલ્લા પંચાયત સીટના આગેવાનો અને કાર્યકર્તાઓની સાથે લોકસંપર્ક કર્યાે હતો. આ પ્રવાસ-પ્રચાર અને લોકસંપર્કમાં પૂનમબેન માડમે ગ્રામજનોને ભાજપના કમળ નિશાન પર વધુમાં વધુ મતદાન કરવા અપીલ કરી હતી. તેમણે જણાવ્યું હતું કે, વડાપ્રધાન નરેન્દ્રભાઈ મોદીના નેતૃત્વ હેઠળ કેન્દ્ર સરકાર દ્વારા દરેક લોકોના જીવનને સરળ બનાવવા અને છેવાડાના માનવીને પણ સીધો લાભ મળે તેવી અનેકવિધ કલ્યાણકારી યોજનાઓનો સફળતાપૂર્વક અમલ થઈ રહ્યો છે. નરેન્દ્રભાઈ મોદીને સતત ત્રીજી ટર્મ માટે દેશની સત્તાનું સુકાન સોંપવા હાકલ કરી હતી. ભારતના ઉજ્જવળ ભવિષ્યના નિર્માણમાં કમળને મત આપવા સૌને સહભાગી બનવા અનુરોધ કર્યાે હતો.
આ પ્રવાસ-પ્રચાર દરમિયાન ગ્રામજનો અને સ્થાનિક આગેવાનોએ પૂનમબેન માડમનું ઉમળકાભેર સ્વાગત કરી તેમનો વિજય નિશ્ચિત હોવાનો વિશ્વાસ વ્યક્ત કર્યાે હતો.
આ પ્રસંગે પૂનમબેન માડમની સાથે રાજ્યના કેબિનેટ મંત્રી મૂળુભાઈ બેરા, દેવભૂમિ દ્વારકા જિલ્લા ભાજપ પ્રમુખ મયુરભાઈ ગઢવી, વિસ્તારક નટવરભાઈ પટેલ, ભાજપના જિલ્લાના હોદ્દેદારો, આગેવાનો, સામાજિક સંસ્થાના પ્રમુખો, ગ્રામજનો, કાર્યકર્તાઓ મોટી સંખ્યામાં ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
