Author: નોબત સમાચાર
પરીક્ષાનું ટેન્શન અનુભવતી કાલાવડની કોલેજીયન યુવતીએ ખાઈ લીધો ગળાફાંસો
બે દિવસ પછી શરૂ થતી હતી પરીક્ષાઃ પરિવાર સ્તબ્ધઃ
જામનગર તા. ૧: કાલાવડ શહેરમાં રહેતી અને કોલેજમાં અભ્યાસ કરતી એક વિદ્યાર્થિનીએ પરીક્ષાના ટેન્શનના કારણે ગઈકાલે ગળાફાંસો ખાઈ જીવતર ટૂંકાવી લેતાં ચકચાર જાગી છે. પોલીસે તેમના પરિવારજનનંુ નિવેદન નોંધી તપાસ હાથ ધરી છે.
કાલાવડ શહેરના પંજેતન નગરમાં રહેતા ૧૮ વર્ષના રીયાબેન યુનુસશા શાહમદાર નામના યુવતી હાલમાં કોલેજમાં અભ્યાસ કરી રહ્યા છે. બે દિવસ પછી આ યુવતીની પરીક્ષા શરૂ થવાની છે જેની તેણી તૈયારી કરી રહી હતી.
આમ છતાં પરીક્ષાના ડરથી રીયાબેન હેબતાયેલા હતા તેના ટેન્શનના કારણે આ યુવતીએ ગઈકાલે સાંજે સાડા છએક વાગ્યે પોતાના ઘરે છતમાં રહેલા પંખામાં દુપટ્ટાથી ગળાફાંસો ખાઈ લીધો હતો. જેની થોડીવાર પછી પરિવારને જાણ થતાં રીયાબેનને નીચે ઉતારી સારવાર માટે કાલાવડ દવાખાને લઈ જવામાં આવ્યા હતા. જ્યાં ફરજ પરના તબીબે તેઓની સારવાર શરૂ કર્યા પછી રીયાબેનનું મૃત્યુ નિપજતા ગમગીની પ્રસરી છે.
આ બાબતની પોલીસને જાણ કરાતા દોડી આવેલા જમાદાર વી.ડી. ઝાપડીયાએ મૃતકના પરિવારના રજીયાબેન સુલતાનશા શાહમદારનું નિવેદન નોંધ્યું છે. પરીક્ષાના ભારણના કારણે વધુ એક વિદ્યાર્થિનીએ મોતનો રાહ પસંદ કરતા ચકચાર જાગી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
