Author: નોબત સમાચાર
બિભવકુમારની પોલીસે કરી અટકાયત
કેજરીવાલના ઘરમાં સ્વાતિ માલીવાલ પર હુમલાના કેસમાં
દિલ્હી તા. ૧૮: સી.એમ. કેજરીવાલના ઘરમાં સાંસદ સ્વાતિ માલીવાલ પર હુમલાના કેસમાં આરોપી બિભવ કુમારને દિલ્હી પોલીસે સીએમ અરવિંદ કેજરીવાલના ઘરેથી અટકાયતમાં લીધો છે. પોલીસ હવે બિભવને હોસ્પિટલ લઈ જવામાં આવશે. બિભવની ધરપકડ કરવા માટે દિલ્હી પોલીસ સતત તેના લોકેશનની તપાસ કરી રહી હતી.
ઉલ્લેખનિય છે કે, ૧૩ મે ના સ્વાતિ માલીવાલ પર મારપીટની ઘટના સામે આવી હતી અને તેણે અરવિંદ કેજરીવાલના નજીકના બિભવ કુમાર પર ગંભીર આરોપ લગાવ્યા હતાં. આ પછી તેણે એફઆઈઆર નોંધાવી અને શુક્રવારે કોર્ટ સમક્ષ પોતાનું નિવેદન નોંધ્યું જેમાં બિભવ પર ગંભીર આરોપો લગાવવામાં આવ્યા. કેસ નોંધ્યા પછી દિલ્હી પોલીસ તેની ધરપકડ કરવા માટે બિભવના સ્થાનની સતત તપાસ કરી રહી હતી.
આ પહેલા શુક્રવારે પણ સ્વાતીનો એક વીડિયો સામે આવ્યો હતો. જેમાં તે સીએમ આવાસની અંદર ગુસ્સામાં જોવા મળી હતી. વીડિયોમાં જોવા મળે છે કે સ્વાતિ માલીવાલ સીએમ હાઉસની અંદર બેઠી છે જ્યાં કેટલાક કર્મચારીઓ તેમને બહાર જવા માટે કહે છે. આ દરમિયાન તે બિભવ પર ગુસ્સે થઈ રહી છે. તે કહે છે, 'હાથ અડાડી તો જુઓ તમારી બધાની નોકરી ન લઈ લઉ તો કહેજો મને. તમે મને હમણા ડીસીપી સાથે વાત કરાવો. હું પહેલા એસએચઓ સિવિલ લાઈન્સ સાથે વાત કરીશ. જે થશે તે અહીં થશે. જો તમે મને અડશો તો હું તમારી નોકરી લઈ લેવાની છું એ યાદ રાખજો. તે પછી અન્ય વીડિયો પણ સામે આવ્યો છે. પોલીસે ઊંડી તપાસ હાથ ધરી હોવાના અહેવાલો મળી રહ્યા છે.'
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
