Author: નોબત સમાચાર
દરેડ જીઆઈડીસીમાં બે દુકાનમાંથી ઝડપાયું રાંધણગેસનું ગેરકાયદે રીફીલીંગ
નાના મોટા ૧૬ બાટલા એસઓજીએ કબજે કર્યાઃ
જામનગર તા. ૧૮: જામનગરના દરેડ જીઆઈડીસી ફેસ-૨માં ગઈકાલે એસઓજી ટીમે પૂર્વ બાતમીના આધારે બે દુકાનમાં દરોડા પાડી રાંધણગેસ ના ભરેલા બાટલામાંથી ખાલી બાટલામાં કરાતું ગેરકાયદે રીફીલીંગ પકડી પાડ્યું છે. બંને દુકાનમાંથી રાંધણગેસના ખાલી, ભરેલા અને નાના મોટા ૧૬ બાટલા કબજે કરાયા છે.
જામનગરના દરેડ જીઆઈડીસી ફેસ-૨ વિસ્તારમાં બે દુકાનમાં ગેરકાયદેસર રીતે રાંધણગેસનંુ રીફીલીંગ કરાતું હોવાની બાતમી એસઓજીના ચંદ્રસિંહ, અનિરૂદ્ધસિંહ, તૌસિફ તાયાણીને મળતા પીઆઈ બી.એન. ચૌધરીને વાકેફ કરાયા પછી પીએસઆઈ એલ.એમ. જેર તથા સ્ટાફે ગઈકાલે દરેડમાં એપલ ગેઈટ વાળા રોડ પર યલો ગોલ્ડ નામના કારખાના પાસે એક દુકાનમાં દરોડો પાડ્યો હતો.
ગોકુલનગર નજીક અયોધ્યાનગરમાં રહેતા દીપક હેમતભાઈ બેલા નામના શખ્સની દુકાન તેમજ તેની બાજુમાં આવેલી મસીતીયાના અઝીમ યુસુફ ખીરાની દુકાનમાં એસઓજીએ તલાશી લેતાં ત્યાંથી ગેસનું ગેરકાયદે રીફીલીંગ મળી આવ્યું હતું. સ્થળ પરથી ખાલી-ભરેલા અને નાના મોટા મળી કુલ ૧૬ બાટલા, વજનકાંટો કબજે કરાયા છે. બંને શખ્સ સામે અન્યની જિંદગી પર જોખમ સર્જાય તે રીતે ગેસનું રીફીલીંગ કરવા અંગે પંચકોશી-બી ડિવિઝન પોલીસ સ્ટેશનમાં આઈપીસી ૨૮૫ હેઠળ ગુન્હો નોંધાવવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
