Author: નોબત સમાચાર
સુમેર ક્લબ રોડ પરથી ચોરાઉ મનાતા દસ મોબાઈલ સાથે એક શખ્સ ઝડપાયો
રૂપિયા પોણા લાખની કિંમતના મોબાઈલ કબજેઃ
જામનગર તા. ૧૮: જામનગરના સુમેર કલબ રોડ પર એસટી ડેપો પાસેથી ગઈકાલે પોલીસે એક શખ્સને ચોરીના મનાતા દસ મોબાઈલ સાથે પકડી પાડ્યો છે. તેના કબજામાંથી રૂપિયા પોણા લાખની કિંમતના મોબાઈલ કબજે કરી લેવાયા છે.
જામનગરના સુમેર કલબ રોડ પર એસટી ડેપો પાસે એક હોટલ નજીક આંટાફેરા કરતો શખ્સ ચોરાઉ મોબાઈલ વેચવાની તજવીજ કરતો હોવાની બાતમી સિટી એ ડિવિઝનના સર્વેલન્સ સ્ટાફના વિજય કાનાણી, રવિ શર્માને મળતા પીઆઈ એન.એ. ચાવડાને વાકેફ કરાયા પછી પીએસઆઈ એમએન રાઠોડના વડપણ હેઠળ પોલીસ ટીમ દોડી ગઈ હતી.
આ સ્થળેથી વામ્બે આવાસ ત્રણ માળીયામાં રહેતો મયુર પ્રકાશભાઈ મહિડા નામનો શખ્સ મળી આવ્યો હતો. તેની તલાશી લેવાતા વન પ્લસ કંપનીનો એક તેમજ વીવો કંપનીના પાંચ મોબાઈલ, ઓપો કંપનીના બે મળી કુલ દસ મોબાઈલ મળી આવ્યા હતા.
આ શખ્સની પૂછપરછ કરાતા તેણે ઉપરોક્ત મોબાઈલ ચોરાઉ હોવાનું કબૂલ્યું છે. કુલ રૂા.૭૬ હજારની કિંમતના દસ મોબાઈલ શક પડતી મિલકત તરીકે કબજે કરી પોલીસે આરોપીની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
