જામીન કેમ ન પડ્યો તેમ કહી યુવાનને ધોકાથી ફટકારી કરી નખાયું ફ્રેક્ચર

Author: નોબત સમાચાર

જામીન કેમ ન પડ્યો તેમ કહી યુવાનને ધોકાથી ફટકારી કરી નખાયું ફ્રેક્ચર

જામજોધપુરમાં ખાનગી કંપનીના કર્મચારીને ધમકીઃ

જામનગર તા. ૧૬ઃ જામનગરના એક યુવાનને જામીન કેમ ન પડ્યો તેમ કહી એક શખ્સે ધોકાથી ફટકારી ફ્રેક્ચર કરી નાખ્યું છે. જ્યારે જામજોધપુરના ભડાનેસ પાસે જમીન ટેસ્ટીંગના કામ માટે ગયેલા ખાનગી કંપનીના કર્મચારીને એક ટોળાએ ગાળો ભાંડી જાનથી મારી નાખવાની ધમકી આપ્યાની પોલીસમાં ફરિયાદ કરાઈ છે.

જામનગરના કડિયાવાડ વિસ્તારની શેરી નં.૧૦માં રહેતા હીરેનગર નવલગર ગોસાઈ મંગળવારે રાત્રે કડિયાવાડ નજીક ખાઉધરી ગલી પાસે પોતાના મિત્ર નિમેષ કિરીટભાઈ ભટ્ટી સાથે બેઠા હતા. ત્યારે ત્યાં આસિફ રાઉમા નામનો શખ્સ આવ્યો હતો.

આ શખ્સે કહ્યું હતું કે, તને ફોન કરીને કીધુ હતું કે મારા મિત્રમાં જામીન તરીકે હાજર થજે તો કેમ ન થયો? હીરેને ત્યારે હું બહારગામ હતો તેમ કહેતા ગાળો ભાંડી આસિફે ધોકાથી હુમલો કરી માર માર્યાે હતો. આ વેળાએ હીરેનને હાથમાં ફ્રેક્ચર થઈ ગયું હતું. તેના મિત્રએ વચ્ચે પડી હીરેનને છોડાવ્યો હતો. આસિફે જતા જતા મારી નાખવાની ધમકી પણ આપી હતી. આ બાબતની સિટી-બી ડિવિઝન પોલીસ સ્ટેશનમાં ફરિયાદ કરવામાં આવી છે.

જામનગરના રણજીત સાગર રોડ પર ઈવા પાર્કમાં રહેતા અને ખાનગી કંપનીમાં નોકરી કરતા ધીરજલાલ નાનજીભાઈ સોરઠીયા તેમજ સાથી કર્મચારી સુરેશ ડોડીયા સહિતના વ્યક્તિઓ ગઈકાલે સાંજે જામજોધપુરના ભડાનેસ પાસે જમીન ટેસ્ટીંગના કામ માટે ગયા હતા. આ વેળાએ ત્યાં છકડામાં ધસી આવેલા ભડાનેસવાળા બાલુભાઈ દેવાભાઈ રબારી તથા અન્ય સાત-આઠ શખ્સે ગાળો ભાંડી હતી અને સુરેશ ડોડીયાના ડ્રાઈવરનો બોચો પકડી લઈ જાનથી મારી નાખવાની ધમકી આપી હતી. ધીરજલાલે જામજોધપુર પોલીસ સ્ટેશનમાં ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...