જામનગરની સેન્ટ મેરીઝ હાઈસ્કૂલમાં ભગવાન શ્રીરામનો પ્રાણપ્રતિષ્ઠા મહોત્સવ

Author: નોબત સમાચાર

જામનગરની સેન્ટ મેરીઝ હાઈસ્કૂલમાં ભગવાન શ્રીરામનો પ્રાણપ્રતિષ્ઠા મહોત્સવ

શાળાના બાળકોએ રામાયણના પાત્રોને ભજવ્યાઃ

જામનગર તા. ૧૬ઃ જામનગરના રામેશ્વરનગર નજીકના વિનાયક પાર્કમાં આવેલી સેન્ટ મેરીઝ હાઈસ્કૂલમાં ગત તા. રર ના અયોધ્યામાં શ્રી રામ ભગવાનના ભવ્ય પ્રાણ પ્રતિષ્ઠા મહોત્સવની ઉજવણી અંતર્ગત શાળાના બાળકો દ્વારા શ્રીરામ, લક્ષ્મણ, જાનકી, ભરત, હનુમાન, શબરી જેવા જુદા-જુદા પાત્ર ભજવી તેઓના જીવન આધારિત નાટક યોજવામાં આવ્યું હતું. આ આયોજન શાળાના બાળકોને શ્રીરામ ભગવાન અને રામાયણ વિશે વિસ્તૃત માહિતગાર કરવાના હેતુથી કરવામાં આવ્યું હતું.

આ કાર્યક્રમમાં મહાનુભાવો તરીકે સર્વ શ્રી દિલીપભાઈ આહિર (શિવસેના સૌરાષ્ટ્ર પ્રમુખ), પ્રતિકભાઈ ભટ્ટ (હિન્દુ સેના ગુજરાત અધ્યક્ષ), પાઠક દાદા (આરએસએસ), ભરતભાઈ ફલીયા (હિન્દુ જાગરણ મંચ, જામનગર-દ્વારકા જિલ્લા સંયોજક), પ્રદીપસિંહ રાઠોડ (રાષ્ટ્રીય ક્ષત્રીય મહાસંઘ ગુજરાત પ્રદેશ મીડિયા પ્રભારી), નટુભાઈ શાસ્ત્રીજી (ગુરૃવંદના મંચ જામનગર જિલ્લા પ્રમુખ) અશોકભાઈ સોલંકી (હિન્દુ સેના જામનગર) દ્વારકા, મોરબી જિલ્લા વિભાગીય પ્રભારી), વિપુલભાઈ હિરપરા (હિન્દુ જાગરણ મંચ જામનગર સહસંયોજક), મયુરભાઈ ચંદન, રૃષભભાઈ સેલેર, આશુતોષ પાઠક, નયનભાઈ ભદ્રા વિગેરે હાજર રહ્યા હતાં.

આ મહોત્સવને સફળ બનાવવા શાળાના આચાર્ય શ્રી ગ્લોરી મેડમ, વિનોદ સર, કલેમેન્ટ સર તથા શિક્ષકો-વિદ્યાર્થીઓએ જહેમત લીધી હતી. શાળાના ટ્રસ્ટી ઝેવિયર ફ્રાન્સિસ ડીસોઝા સર તથા શ્રીમતી વર્જીનીયા મેડમે મહાનુભાવો તથા સ્કૂલ સ્ટાફ અને વિદ્યાર્થીઓને શુભેચ્છા પાઠવી હતી.

જો આપને આ પોસ્ટ ગમી હોય તો શેર કરો...