Author: નોબત સમાચાર
ગાંધીનગર રોડ પર શનિવારી મેદાન પાસે સાયકલચાલકને બસની ટક્કર
નાગનાથ નાકા પાસે રિક્ષાએ સર્જયો અકસ્માતઃ
જામનગર તા. ૧૬ઃ જામનગરના નાગનાથ નાકા પાસે ચારેક દિવસ પહેલાં એક અજાણી રિક્ષાએ આગળ ચાલ્યા જતાં મહિલાને ફંગોળ્યા હતા. હેમરેજ સહિતની ઈજા પામેલા મહિલાને હોસ્પિટલમાં ખસેડાયા છે. જ્યારે ગઈકાલે સવારે ગાંધીનગર રોડ પર શનિવારી મેદાન પાસે એક સાયકલચાલકને બસે ઠોકર મારી ફ્રેક્ચર કરી નાખ્યું છે.
જામનગરના સુભાષબ્રિજ ૫ાસે આવેલા ભારતવાસ નજીક વસવાટ કરતા સોનલબેન ગૌતમભાઈ પરમાર નામના મહિલા ગઈ તા.૧૧ની રાત્રે સાડા અગિયારેક વાગ્યે નાગનાથ નાકાથી પોતાના ઘર તરફ ચાલીને જતા હતા ત્યારે એક અજાણી રિક્ષા પુરપાટ ઝડપે ધસી આવી હતી. તેના ચાલકે આ મહિલાને ઠોકર મારી પછાડતા હેમરેજ સહિતની ઈજા પામેલા સોનલબેનને હોસ્પિટલમાં ખસેડવામાં આવ્યા છે. તેઓએ પોલીસમાં ફરિયાદ કરી છે. પોલીસે અજાણ્યા રિક્ષાચાલક સામે ગુન્હો નોંધ્યો છે.
જામનગરના ગાંધીનગર નજીક મચ્છરનગરમાં રહેતા કાશીરામ તેઉમાર નામના પરપ્રાંતીય પ્રૌઢ ગઈકાલે સવારે સાતેક વાગ્યે સાયકલ પર નોકરીએ જવા રવાના થયા હતા. તેઓ બ્રુકબોન્ડ મેદાન નજીક પહોંચ્યા ત્યારે જીજે-૧૦ ટીવી ૨૧૩૪ નંબરની બસ ધસી આવી હતી. તેના ચાલકે બેફિકરાઈથી ડ્રાઈવર કરી કાશીરામને ઠોકર મારતા ઘવાયેલા આ પ્રૌઢને સારવારમાં ખસેડાયા છે. તેઓને ફ્રેક્ચર સહિતની ઈજા થયાનું ખૂલ્યું છે. પોલીસે કાશીરામના પુત્ર કિશન તેઉમારની ફરિયાદ પરથી બસ ચાલક સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
