જામનગરની રોજગાર કચેરી અને ડીકેવી કોલેજ દ્વારા કારકિર્દી માર્ગદર્શનલક્ષી સેમિનાર

Author: નોબત સમાચાર

જામનગરની રોજગાર કચેરી અને ડીકેવી કોલેજ દ્વારા કારકિર્દી માર્ગદર્શનલક્ષી સેમિનાર

ઉદ્દીશા પ્રકલ્પ અન્વયે વિદ્યાર્થીઓ માટે

જામનગર તા. ૧૬ઃ જામનગર રોજગાર કચેરી અને શ્રી ડીકેવી આર્ટસ એન્ડ સાયન્સ કોલેજ, જામનગરના સંયુક્ત ઉપક્રમે ઉદ્દીશા પ્રકલ્પ અન્વયે વિદ્યાર્થીઓ માટે માર્ગદર્શન અને કારકિર્દી સેમિનાર યોજાયો હતો.

સેમિનારની શરૃઆતમાં રોજગાર કચેરી જામનગરના કાઉન્સેલર અંકિતભાઈ ભટ્ટએ રોજગાર કચેરી દ્વારા પૂરી પાડવામાં આવતી વિવિધ સેવાઓ, પ્રવર્તમાન સમયે રહેલી નોકરીની જુદી-જુદી જાહેરાતો તથા એમ્પ્લોયમેન્ટ કાર્ડનું શું મહત્ત્વ રહેલ છે...? તથા એમ્પ્લોયમેન્ટ કાર્ડ માટે કયા-ક્યા ડોક્યુમેન્ટ જરૃરી છે, તેની સવિસ્તાર માહિતી આપી એમ્પ્લોયમેન્ટ કાર્ડ અન્વયે ફોર્મ ભરાવ્યા હતાં.

આ કારકિર્દી અને માર્ગદર્શનલક્ષી સેમિનારમાં આર્ટસ અને સાયન્સના એસ.વાય., ટી.વાય.ના ૧ર૬ જેટલા વિદ્યાર્થીઓ ઉપસ્થિત રહ્યાં હતાં. આ સેમિનારમાં ઉદ્દીશા કમિટીના આસિ. પ્રોફેસર એ.કે. મહીડા અને સી.કે. ગોસ્વામી, કોલેજના આસિ. પ્રો. જે.એચ. પંડ્યા, સંચાલનકર્તા પ્રો. સી.એસ. દવે ઉપસ્થિત રહ્યાં હતાં. આ સેમિનારનું આયોજન ઉદ્દીશા પ્રકલ્પ હેઠળ ડીકેવી કોલેજના આચાર્ય ડો. આર.યુ. પુરોહિતના માર્ગદર્શન હેઠળ કરવામાં આવ્યું હતું.

જો આપને આ પોસ્ટ ગમી હોય તો શેર કરો...