જામનગરમાં ગણેશ મરાઠા મંડળ દ્વારા છત્રપતિ શિવાજી જયંતી પર મશાલ યાત્રા તથા શોભાયાત્રાનું આયોજન

Author: નોબત સમાચાર

જામનગરમાં ગણેશ મરાઠા મંડળ દ્વારા છત્રપતિ શિવાજી જયંતી પર મશાલ યાત્રા તથા શોભાયાત્રાનું આયોજન

'છોટીકાશી'માં હિંદવી સ્વરાજના સ્થાપકની જયંતી ઉજવાશેઃ

જામનગર તા. ૧૬ઃ 'છોટીકાશી' કહેવાતા જામનગરમાં શ્રી ગણેશ મરાઠા મંડળ ચાંદીબજાર દ્વારા તા. ૧૯/ર ને સોમવારે હિંદવી સ્વરાજના સ્થાપક ક્ષત્રપતિ શિવાજી મહારાજની જન્મ જયંતીની ઉજવણીનું આયોજન કરવામાં આવ્યું છે. જે અંતર્ગત મશાલ રેલી તથા શોભાયાત્રા યોજાશે.

૧૯/ર ને સોમવારના સવારે ૭ વાગ્યે મહાકાળી મંદિર, પસાયાથી જામનગર સુધી મશાલ યાત્રા નીકળશે તેમજ સાંજે પ કલાકે ચાંદીબજાર વિસ્તારમાંથી શોભાયાત્રા પ્રસ્થાન કરશે. જેમાં છત્રપતિ શિવાજી મહારાજની પ્રતિમા સાથેનો ફ્લોટ્સ આકર્ષણનું કેન્દ્ર રહેશે. તેમજ એક કલાકાર શિવાજી મહારાજની વેશભૂષા સાથે ઘોડેશ્વર બનીને શિવાજી મહારાજરૃપે નગર ભ્રમણ કરશે.

જામનગરમાં ચાંદીબજાર વિસ્તારમાં છેલ્લા ૩૦ વર્ષથી ગણેશ મહોત્સવનું આયોજન કરતા શ્રી ગણેશ મરાઠા મંડળ દ્વારા ગત્ વર્ષે પણ શિવાજી જયંતી ઉજવવામાં આવી હતી. આ વખતે પણ ઉજવણી કરી આ ઉત્સવને પરંપરાનું રૃપ આપવામાં આવશે.

છત્રપતિ શિવાજી મહારાજની ૩૯૭ મી જન્મ જયંતી નિમિત્તે ૧૯ ફેબ્રુઆરીએ સાંજે પાંચ કલાકે ચાંદીબજાર વિસ્તારમાંથી શિવાજી મહારાજની શોભાયાત્રા નીકળશે જે સેન્ટ્રલ બેંક રોડ, હવાઈચોક, સત્યનારાયણ મંદિર રોડ, ગોવાળની મસ્જિદ, પંચેશ્વર ટાવર, બેડીગેઈટ, રણજીત રોડ થઈ ફરી ચાંદીબજાર પહોંચી પરિપૂર્ણ થશે.

નગરજનોને બહોળા પ્રમાણમાં શોભાયાત્રામાં સામેલ થવા શ્રી ગણેશ મરાઠા મંડળ દ્વારા જાહેર નિમંત્રણ પાઠવવામાં આવ્યું છે.

જો આપને આ પોસ્ટ ગમી હોય તો શેર કરો...