જામખંભાળિયામાં કર્મકાંડ કરતા યુવાનનું હૃદય ધબકારો ચૂક્યું: પરિવારમાં ગમગીની

Author: નોબત સમાચાર

જામખંભાળિયામાં કર્મકાંડ કરતા યુવાનનું હૃદય ધબકારો ચૂક્યું: પરિવારમાં ગમગીની

ખાટલા પરથી પડી જતાં હેમરેજ થઈ જતાં પ્રૌઢાનું મૃત્યુઃ

જામનગર તા. ૩: ખંભાળિયામાં કર્મકાંડ કરતા એક યુવાનને ગઈકાલે હૃદયરોગનો હુમલો આવી જતાં તેઓનું મૃત્યુ થયું છે. જ્યારે નવાપરામાં રહેતા એક પ્રૌઢા ઉંઘની હાલતમાં ખાટલા પરથી પડી ગયા પછી હેમરેજ થઈ જવાથી મોતને શરણ થયા છે. પોલીસે બંને બનાવની નોંધ કરી તપાસ હાથ ધરી છે.

ખંભાળિયા શહેરમાં હરસિદ્ધિનગરના મંદિર ૫ાસે રહેતા ભરતભાઈ લાલજીભાઈ રાજ્યગુરૂ (ઉ.વ.૪૫) નામના યુવાન ગઈકાલે સાંજે પોતાના ઘરે સૂતા હતા ત્યારે તેઓનો શ્વાસ રૂંધાવા લાગતા અને હૃદયરોગનો હુમલો આવી જતાં તેમને સારવાર અર્થે ખસેડવાની તજવીજ કરાઈ હતી. આ યુવાનનું મૃત્યુ નિપજ્યું છે.

ખંભાળિયામાં કર્મકાંડ કરી ગુજરાન ચલાવતા આ યુવાનના મૃત્યુ અંગે તેમના નાનાભાઈ રજનીકાંત રાજ્યગુરૂએ પોલીસને જાણ કરી છે. પોલીસે અપમૃત્યુની નોંધ કરી છે.

ખંભાળિયા શહેરમાં નવાપરામાં શેરી નં.રમાં રહેતા ભાનુબેન કરશનભાઈ કણઝારીયા (ઉ.વ.પપ) નામના મહિલા બુધવારે રાત્રે પોતાના ઘરમાં નિદ્રાધીન થયા પછી ઉંઘની હાલતમાં કોઈ રીતે ખાટલામાંથી પડી ગયા હતા. તેઓને હેમરેજ થઈ ગયું હતું. જેની ગઈકાલે સવારે જાણ થતાં ભાનુબેનને દવાખાને ખસેડાયા હતા. જ્યાં તેમનું મૃત્યુ થયાનું વિવેક જયંતિભાઈ નકુમે પોલીસને જણાવ્યું છે.

જો આપને આ પોસ્ટ ગમી હોય તો શેર કરો...