Author: નોબત સમાચાર
દરેડ નજીકની ગોળાઈમાં બાઈક સાથે મોટર અથડાઈઃ એકનું મૃત્યુ, એકને ઈજા
નીલગીરી ગોળાઈ વધુ એક વખત પ્રાણઘાતક સાબિતઃ
જામનગર તા. ૩: જામનગર-લાલપુર ધોરીમાર્ગ પર દરેડ નજીકની નિલગીરી ગોળાઈમાં ગઈકાલે વધુ એક પ્રાણઘાતક અકસ્માત સર્જાયો હતો. ડબલસવારી બાઈક સાથે મોટર ટકરાઈ પડતા બાઈક ચાલક ગંભીર ઈજા પામ્યા છે અને પાછળ બેસેલા યુવાનનું વધુ ઈજા થવાથી સ્થળ પર મૃત્યુ નિપજ્યું છે. મોટરચાલક સામે પોલીસે ગુન્હો નોંધ્યો છે. જામનગરના દરેડ ગામ પાસે આવેલા મુરલીધર પાર્કમાં રહેતા દિલીપભાઈ ગરોદડીયા તથા કિશનભાઈ ભટ્ટી નામના યુવાનો ગઈકાલે બપોરે દોઢેક વાગ્યે જીજે-૧૦-એજી ૯૧૦ નંબરના મોટરસાયકલમાં દરેડ-લાલપુર રોડ પર જતા હતા.
આ વેળાએ દરેડ નજીકની નિલગીરી ગોળાઈમાં સામેથી જીજે-૧૦-બીઆર ૭૦૯૧ નંબરની મોટર ધસી આવી હતી. તેના ચાલકે બેદરકારીથી ડ્રાઈવીંગ કરી મોટર અથડાવતા મોટરસાયકલ ચલાવતા કિશનભાઈ તથા પાછળ બેસેલા દિલીપભાઈ ફંગોળાઈ ગયા હતા. ગંભીર ઈજા પામેલા દિલીપભાઈનું સ્થળ પર જ મૃત્યુ નિપજ્યું હતું. જ્યારે કિશન ભાઈને ગંભીર ઈજા થઈ હતી.
ઈજાગ્રસ્તને ૧૦૮ મારફતે સારવાર માટે જી.જી. હોસ્પિટલમાં ખસેડવામાં આવ્યા છે. બનાવની જાણ થતાં પંચકોશી-બી ડિવિઝન પોલીસ સ્ટેશનનો કાફલો દોડી આવ્યો હતો. પોલીસે જીતેશભાઈ ચનાભાઈ દેવીપૂજકની ફરિયાદ પરથી મોટરચાલક સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
