Author: નોબત સમાચાર
રેલવેના પુલ પરથી યુવાને કૂદકો મારતા ઊંડ નદીમાં ડૂબી જવાથી નિપજ્યું મૃત્યુ
ગઈકાલે સવારે નદીમાંથી મળી આવ્યો હતો મૃતદેહઃ
જામનગર તા. ૩: ધ્રોલના જૂના ખીજડિયા ગામ પાસે ઉંડ નદીમાંથી ગઈકાલે એક યુવાનનો મૃતદેહ મળી આવ્યો હતો. આ યુવાન પુલ પરથી ચાલ્યા જતાં હતા અને ટ્રેન આવી જતાં જીવ બચાવવા માટે પુલ પરથી કૂદકો માર્યાનું તારણ મળ્યું છે. પોલીસે તપાસ યથાવત રાખી છે. ધ્રોલ તાલુકાના જૂના ખીજડિયા ગામ પાસે આવેલા ઉંડ નદીના ભાગમાંથી ગઈકાલે સવારે એક અજાણ્યા યુવાનનો મૃતદેહ મળી આવ્યો હતો. તેને જોઈને કોઈએ પોલીસને જાણ કરતા ધ્રોલ પોલીસ સ્ટેશનનો સ્ટાફ દોડી ગયો હતો. અંદાજે પાંત્રીસેક વર્ષના લાગતા આ યુવાનનો મૃતદેહ પોલીસે કબજે લઈ પી.એમ. માટે ખસેડયો છે અને વિરાણી ખીજડિયા ગામના મહેન્દ્રસિંહ રણજીતસિંહ જાડેજાનું નિવેદન નોંધ્યંુ છે. વધુમાં જાણવા મળ્યા મુજબ ગઈકાલે સવારે આ યુવાન ઉંડ નદી પર આવેલા રેલવેના પુલ પરથી ચાલ્યા જતા હતા. તે દરમિયાન અચાનક ટ્રેન ધસી આવતા તેઓએ પુલ પરથી કૂદકો મારતા નદીના પાણીમાં પડ્યા હોવાનું પ્રાથમિક તારણ મળવા પામ્યું છે. ધ્રોલના પીએસઆઈ પી.જી. પનારાએ તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
