ખંભાળીયાઃ ગાર્ડન ફ્રેન્ડઝ ગ્રુપ દ્વારા યોજાયેલા રકતદાન કેમ્પમાં ૧૦૧ બોટલ રકત એકત્ર થયું

Author: નોબત સમાચાર

ખંભાળીયાઃ ગાર્ડન ફ્રેન્ડઝ ગ્રુપ દ્વારા યોજાયેલા રકતદાન કેમ્પમાં ૧૦૧ બોટલ રકત એકત્ર થયું

ખંભાળીયા તા. ૩: ખંભાળીયાની સરકારી હોસ્પિટલની બ્લડ બેંકમાં હાલ ઉનાળો ચાલતો હોય તથા રકતદાતા ઓછું રકતદાન કરતા હોય બ્લડ બેંકમાં લોહીની અછત ઉભી થતાં તથા થેલેસેમીયાના દર્દીઓને પણ પરેશાની થતાં હોસ્પિટલ બ્લડ બેંકના ડો. લખમણ કનારા, તન્નાભાઈ, જોશીભાઈ વગેરેની અપીલ રકતદાનની થતાં ખંભાળીયા પાલિકા બગીચામાં રોજ સવારે-સાંજે મોર્નીંગ ઈવનીંગ વોકમાં નીકળતા ગાર્ડન ગ્રુપ ફ્રેન્ડઝના સદસ્યોને માનવતાપૂર્ણ કાર્યમાં સામૂહિક મદદ કરવાની ઈચ્છા થતાં માત્ર ટૂંકા સંદેશની રકતદાન કેમ્પ યોજયો અને વહેલી સવારે છ વાગ્યાથી રકતદાન શરૂ કરાયું ને ૯-૩૦ વાગ્યા સુધીમાં ૧૦૧ બોટલ એકત્ર થઈ ગઈ હતી. વર્ષોથી બ્લડ બેંકમાં કામ કરતા કર્મચારીઓએ જિંદગીમાં પહેલો આટલો વહેલી કેમ્પ જોયો હતો.

ગાર્ડન ફ્રેન્ડઝ ગ્રુપના સદસ્યોએ પોતે તથા પોતાના મિત્રોને જાણ કરતા તથા મોર્નીંગ વોકમાં આવેલા અનેક સેવાભાવીઓ પણ આ સેવા યજ્ઞમાં જોડાયા હતાં. બ્લડ બેંકને પ૦-૬૦ બોટલની આશા સામે ૧૦૧ બોટલ થઈ ગઈ હતી ૧૦-૧ર વ્યક્તિઓને પરત જવું પડ્યું હતું.

સ્વાસ્થ્યની ચિંતા માટે મોર્નીંગ વોકમાં નીકળતા ગ્રુપનું દર્દીઓના સ્વાસ્થ્યની ચિંતા માટે રકતદાનની પ્રવૃત્તિ ખૂબ જ પ્રશંસનીય રહી હતી શહેરમાં ગાર્ડન ફ્રેન્ડ ગ્રુપનું આ કાર્ય સરાહનીય બન્યું હતું.

જો આપને આ પોસ્ટ ગમી હોય તો શેર કરો...