Author: નોબત સમાચાર
સલમાનખાનને ઘરમાં ઘૂસીને જાનથી મારવાની ધમકી પછી પોલીસે ગુન્હો નોંધી તપાસ આદરી
૬ વર્ષમાં ૧ર વખત ધમકી મળી છતાં કાંઈ ના થયું:
મુંબઈ તા. ૧૪: સલમાન ખાનને ફરી એકવાર ધમકી મળી છે. સલમાન ખાનને ઘરમાં ઘૂસીને જાનથી મારી નાંખવાની ધમકી આપવામાં આવી છે અને ભાઈજાનની કારને પણ બોમ્બથી ઊડાવવાની ધમકી અપાઈ છે. આ ધમકીભર્યો કોલ મુંબઈના વર્લી ટ્રાફિક વિભાગના નંબર પર આવ્યો હતો. જે પછી પોલીસ સતર્ક થઈ છે અને અજાણ્યા શખ્સા સામે ફરિયાદ દાખલ કરી છે.
બોલિવૂડ અભિનેતા સલમાન ખાનને ફરીથી જાનથી મારી નાંખવાની ધમકી મળી છે. મુંબઈના વરલીમાં સ્થિત પરિવહન વિભાગના વોટ્સએપ નંબર પર એક્ટર માટે ધમકીભર્યા મેસેજ આવ્યા હતાં. જેમાં સલમાન ખાનના ઘરમાં ઘૂસી તેને જાનથી મારી નાખવા અને તેની કારને બોમ્બથી ઊડાવી દેવાની ધમકી અપાઈ છે. મેસેજ મળ્યા પછી વરલી પોલીસ સ્ટેશને અજાણી વ્યક્તિ વિરૂદ્ધ કેસ નોંધી તપાસ હાથ ધરી છે. અત્રે ઉલ્લેખનિય છે કે, સલમાન ખાનને ૬ મહિનામાં ૧ર વખત ધમકી મળી છે, પણ સદ્ભાગ્યે તેને કાંઈ થયું નથી.
સલમાન ખાન અને તેમના પરિવાર તરફથી અત્યાર સુધી આ ધમકી મુદ્દે કોઈ પ્રતિક્રિયા મળી નથી. આ ધમકીની હાલ કોઈએ જવાબદારી પણ લીધી નથી. ભાઈજાનના ચાહકો આ સમાચારથી ચિંતિત થઈ ગયા છે. અગાઉ પણ સલમાન ખાનને મારી નાખવાની ધમકી મળી ચૂકી છે. ગેંગસ્ટર લોરેન્સ બિશ્નોઈ અને ગોલ્ડી બરાડે અનેક વખત સલમાન ખાનને મારી નાખવાની ધમકી આપી હતી. સલમાન ખાન જીવને જોખમ હોવાની ધમકીઓ વચ્ચે પણ પોતાનું કામ કરી રહ્યો છે. તેણે પોતાના રોજિંદા જીવનમાં કોઈ ફેરફાર કર્યો નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
