Author: નોબત સમાચાર
ચીનના સેમિકન્ડક્ટર અને ઈલેક્ટ્રોનિક્સને તો જરાયે છૂટ નહીં મળી શકે : ડોનાલ્ડ ટ્રમ્પ
રેસિપ્રોકલ ટેરિફથી કોઈ બાકાત નહીં રહે
વોશિંગ્ટન તા. ૧૪: કોઈ બાકાત નહીં રહે, તમામ દેશ સામે ટેરિફ લાગશે, તેમ જણાવીને ફરી એકવાર ટ્રમ્પે દુનિયાભરના દેશોની ચિંતા વધારી દીધી છે. તેમણે ચીનના ઉત્પાદનોને તો જરાયે છૂટ નહીં મળે, તેમ સ્પષ્ટ જણાવી દીધું છે.
અમેરિકાના રાષ્ટ્રપતિ ડોનાલ્ડ ટ્રમ્પે કોઈપણ દેશને ટેરિફમાંથી મુક્તિ ન મળવાની સ્પષ્ટતા આપી દીધી છે. તેમણે હાલમાં જ ૬૦થી વધુ દેશોને ૯૦ દિવસ સુધી રેસિપ્રોકલ ટેરિફ મામલે રાહત આપી હતી. ગઈકાલે ટ્રમ્પે ફરી જાહેરાત કરી સ્પષ્ટતા આપી હતી કે, અયોગ્ય વેપાર કરતાં દેશોને માફી મળશે નહીં, તેમણે ટેરિફનો સામનો કરવો જ પડશે. હાલમાં જ ડોનાલ્ડ ટ્રમ્પ સમક્ષ ઘણા દેશોએ સ્માર્ટફોન, કોમ્પ્યુટર સહિત અન્ય ઈલેક્ટ્રોનિક્સ પ્રોડક્ટ્સ પર ટેરિફમાં રાહત આપવા ભલામણ કરવામાં આવી હતી. તેના પર ટ્રમ્પે પોતાના સોશિયલ મીડિયા એકાઉન્ટ ટ્રુથ પર કહૃાું હતું કે, કોઈને રાહત મળશે નહીં, કોઈપણ દેશને છૂટ મળશે નહીં.
ખાસ કરીન ચીનમાં ઉત્પાદિત સેમિકંડક્ટર અને ઈલેક્ટ્રોનિક્સને તો જરાય પણ નહીં. શરૂઆતમાં જ ગ્રાહક ખર્ચમાં વૃદ્ધિની ચિંતાના કારણે રાહત આપવામાં આવી હતી. હવે વધુ નહીં તેમ જણાવી ટ્રમ્પે ટ્રુથ પર પોસ્ટ કરી હતી કે, અન્ય દેશો દ્વારા અમારી સાથે વર્ષોથી અયોગ્ય વેપાર થઈ રહૃાો છે. અયોગ્ય વેપાર ખાધ અને નોન-મોનેટરી ટેરિફ પડકારોમાંથી કોઈને રાહત મળશે નહીં. ખાસ કરીને ચીનને તો જરાય પણ નહીં. તે અમારી સાથે ખૂબ ખરાબ કરી રહૃાું છે. અમેરિકા ઈલેક્ટ્રોનિક્સ સપ્લાય ચેઈન બનાવવા પર ફોકસ કરે છે. જેના માટે સેમીકંડક્ટર સેક્ટરમાં રાષ્ટ્રીય સુરક્ષા વેપાર તપાસ શરૂ થઈ છે. અમેરિકા માટે સ્થાનિક સ્તરે વધુ ઉત્પાદનને વેગ તેમજ વિદેશી પ્રોડક્ટ્સ પર નિર્ભરતા ઘટાડવાની જરૂરિયાત પર અમે ભાર મૂક્યો છે.
વ્હાઈટ હાઉસ દ્વારા વિવિધ દેશો પર વિવિધ રેસિપ્રોકલ ટેરિફ લાદવાની જાહેરાત થઈ હતી. જો કે, તેના અમલ પહેલાં જ ટ્રમ્પ સરકારે તેમાં ૯૦ દિવસની રાહત આપી હતી. આ રાહત ટેરિફ મુદ્દો ઉકેલવા માગતા દેશો માટે છે.
જો કે, ચીને ટેરિફની સામે ટેરિફ લાદતાં ટ્રેડવોરની હવાને વેગ આપ્યો હોવાથી અમેરિકા તેને રાહત આપી રહૃાું નથી. બલ્કે અમેરિકાએ ચીન પર ૧૪૫ ટકા સુધી ટેરિફ લાદી દીધો છે. સામે ચીને પણ અમેરિકા પર ૧૨૫% સુધી ટેરિફ લાદવાની જાહેરાત કરી હતી.
ટ્રમ્પ સરકારના પ્રતિનિધિએ જણાવ્યું હતું કે, આગામી બે મહિનામાં ટ્રમ્પ સરકાર સ્માર્ટફોન, કોમ્પ્યુટર સહિત અન્ય ઈલેક્ટ્રોનિક્સ પર ટેરિફ લાગુ કરવા જઈ રહી છે. આ ઉપાયોથી સ્થાનિક ઉત્પાદનને વેગ મળશે. અમેરિકન હેજ ફંડ મેનેજર અને ઈન્વેસ્ટર બિલ એકમેને ટ્રમ્પ સમક્ષ ચીનને પણ ત્રણ મહિના સુધી ટેરિફમાં રાહત આપવા ભલામણ કરી હતી. તેમજ અમેરિકાના બિઝનેસને કોઈપણ અડચણ વિના સપ્લાય પહોંચતો રહે તે હેતુ સાથે અસ્થાયી રૂપે ટેરિફમાં ૧૦ ટકાનો ઘટાડો કરવા સલાહ પણ આપી હતી. બીજી તરફ સિનેટર એલિઝાબેથ વોરેને ટેરિફ રણનીતિની ટીકા કરી તેને અયોગ્ય ઠેરવી છે. જેનાથી આર્થિક નુકસાન થવાની ભીતિ પણ વ્યક્ત કરી છે.
ટ્રમ્પ સેમિકંડક્ટર પ્રોડક્ટ્સ પર ટેરિફ મુદ્દે આગામી સપ્તાહે સ્પષ્ટતા કરશે. એરફોર્સ વનમાં બોલતાં ટ્રમ્પે સ્થાનિક સ્તરે ચીપ્સ અને સેમિકંડક્ટર બનાવતી કંપનીઓ માટે ઉત્પાદન સરળ બનાવવાની ઈચ્છા વ્યક્ત કરી હતી. તેમજ સ્થાનિક ઉત્પાદનને વેગ આપવા કહૃાું હતું.
અન્ય સમાચારો
