Author: નોબત સમાચાર
ઠેબા બાયપાસ પાસેથી દારૂની પાંત્રીસ બોટલ સાથે એક શખ્સની ધરપકડ
મકાજી મેઘપરમાંથી દેશી દારૂની ભઠ્ઠી ઝડપાઈઃ
જામનગર તા. ૨૯: જામનગરના ઠેબા બાયપાસ પાસેથી એલસીબીએ એક શખ્સને દારૂની ૩૫ બોટલ સાથે પકડી લીધો છે. આ બોટલ તે શખ્સ ગોવાથી લઈ આવ્યો હોવાની કબૂલાત મળી છે. કાલાવડના નિકાવામાંથી દારૂની બોટલ સાથે એક ઝડપાયો છે. મકાજી મેઘપર તેમજ મોટા ભાડુકીયા ગામમાંથી પોલીસે દેશી દારૂનો આથો કબજે કર્યાે છે.
જામનગરના ઠેબા બાયપાસથી ખીજડિયા બાયપાસ વચ્ચે ગઈકાલે રાત્રે દારૂની હેરાફેરી થઈ રહી હોવાની બાતમી એલસીબીના મયુરસિંહ, ઋષિરાજસિંહ, હરદીપ બારડને મળતા પીઆઈ વી.એમ. લગારીયાના વડપણ અને પીએસઆઈ આર.કે. કરમટા, પીએસઆઈ પી.એન. મોરીના વડપણ હેઠળ સ્ટાફે વોચ રાખી હતી.
તે દરમિયાન સમરસ હોસ્ટેલ રોડ પરથી રોહિત ઉર્ફે ઝીંઝુડો દિનેશભાઈ ત્રિવેદી નામનો શખ્સ પસાર થયો હતો. સાધનાકોલોની નજીક વસવાટ કરતા આ શખ્સની તલાશી લેવાતા તેના કબજામાંથી અંગ્રેજી શરાબની ૩૫ બોટલ મળી આવી હતી. એલસીબીએ રૃા.૧૪ હજારની બોટલ કબજે કરી રોહિતની પૂછપરછ કરતા આ જથ્થો ગોવાથી લાવ્યો હોવાની તેણે કબૂલાત આપી છે. પંચકોશી-એ ડિવિઝન પોલીસ સ્ટેશનમાં તેની સામે ગુન્હો નોંધાવાયો છે.
કાલાવડ તાલુકાના નિકાવા ગામમાંથી ગઈરાત્રે દારૂની બોટલ સાથે જઈ રહેલા પ્રતિક ભૂપતભાઈ ઉર્ફે ભીખા નામના શખ્સને પોલીસે પકડી લીધો છે.
કાલાવડ તાલુકાના મોટા ભાડુકીયા ગામમાં અજય રવજીભાઈ જખાણીયા નામના શખ્સના ઝૂંપડામાં ગઈકાલે કાલાવડ ગ્રામ્ય પોલીસે દરોડો પાડી તલાશી લેતા ત્યાં બાજુમાં બાવળની ઝાળીઓમાં સંતાડીને રાખવામાં આવેલો દેશી દારૂ બનાવવાના ઉપયોગમાં લેવાતો આથો મળી આવ્યો હતો. નાસી ગયેલા અજયની શોધ આરંભાઈ છે.
મકાજી મેઘપર ગામમાં મંજુબેન વિનોદભાઈ સાડમીયા નામના મહિલાના ઝૂંપડામાંથી પોલીસે ૧૫ લીટર આથો કબજે કર્યાે છે. જ્યારે રમેશ ભૂરાભાઈ સાડમીયા નામના શખ્સની દેશી દારૂની ચાલુ ભઠ્ઠી પોલીસે પકડી પાડી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
