Author: નોબત સમાચાર
ફલ્લા ૫ાસે બોલેરો આડે કૂતરૂ ઉતરતા અકસ્માતઃ દસ વ્યક્તિ ઘવાયા, એકનું મોત
પુત્રીના લગ્ન લખાયા પછી પરિવાર જતો હતો બોટાદઃ
જામનગર તા. ૧૩: જામનગર-રાજકોટ ધોરીમાર્ગ પર ફલ્લા પાસે આજે સવારે છએક વાગ્યે એક બોલેરો આડે કૂતરૂ ઉતરતા બોલેરો પલ્ટી મારી ગઈ હતી. તેમાં જઈ રહેલા અગિયાર વ્યક્તિમાંથી એકનું ગંભીર ઈજા થવાથી મૃત્યુ થયું છે. મૃતકના પરિવારની પુત્રીના લગ્ન લખાયા પછી તેનો ચાંદલો લઈને આ પરિવાર બોટાદ જતો હતો ત્યારે માર્ગમાં અકસ્માત થયો હતો. દસ ઈજાગ્રસ્તને સારવાર માટે જામનગરની જી.જી. હોસ્પિટલમાં ખસેડવામાં આવ્યા છે.
જામનગર-રાજકોટ માર્ગ પર આવેલા ફલ્લા ગામ પાસેથી આજે સવારે છએક વાગ્યે એક બોલેરો પસાર થતી હતી ત્યારે અચાનક જ રોડ પર કૂતરૂ આવી જતાં બોલેરો ગોથું મારી ગઈ હતી. જેના પગલે બોલેરોમાં રહેલા વ્યક્તિઓએ પાડેલી ચીસોથી ધોરીમાર્ગ ગાજી ઉઠ્યો હતો.
આ અકસ્માતની જાણ થતાં નજીકના લોકેશનમાંથી ૧૦૮ દોડી આવી હતી. તેમાં ઈજાગ્રસ્તોને સારવાર માટે જામનગરની જી.જી. હોસ્પિટલમાં ખસેડવાની તજવીજ શરૂ કરાઈ હતી. બોલેરો પરથી સિક્કાના નાનજીભાઈ નારણભાઈ, દિનેશભાઈ પરમાર, મનોજભાઈ પરમાર, નારણભાઈ પરમાર સહિતના દસ વ્યક્તિને બહાર કાઢી લેવાયા હતા અને સારવારમાં ખસેડાયા હતા. તેમાં સાથે રહેલા માલાભાઈ પરમાર નામના આધેડનું ગંભીર ઈજા થવાથી મૃત્યુ થયંુ હતું.
સારવાર માટે જી.જી. હોસ્પિટલમાં લાવવામાં આવેલા ઈજાગ્રસ્તોના જણાવ્યા મુજબ તેમના પરિવારની પુત્રીના લગ્ન બોટાદમાં નિર્ધારવામાં આવ્યા હતા અને તેના લગ્ન લખીને આજે વહેલી સવારે પરમાર પરિવાર બોટાદ જવા નીકળ્યો હતો. આ પરિવારના અગિયાર સદસ્ય બોલેરોમાં રવાના થયા પછી ફલ્લા પાસે કૂતરૃં આડુ ઉતરતા ગમખ્વાર અકસ્માત સર્જાયો હતો. પંચકોશી એ ડિવિઝન પોલીસ સ્ટેશનનો સ્ટાફ દોડી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
