Author: નોબત સમાચાર
રાજ્યસભાના સાંસદ સામેની ફરિયાદમાં સુપ્રિમ કોર્ટની ટકોર
વાયરલ વીડિયોનો મામલોઃ
જામનગર તા.૧૧: જામનગરના સમૂહશાદીના એક કાર્યક્રમમાં ઉપસ્થિત રાજ્ય સભાના સાંસદ અને એક નગર સેવક સામે ગુન્હો નોંધાયા પછી આ મામલો સુપ્રિમ કોર્ટમાં પહોંચ્યો છે. તે અન્વયે કોર્ટે આ કવિતાનો અર્થ સમજવો જોઈએ તેવી ટકોર કરી છે.
જામનગરમાં થોડા મહિના પહેલાં યોજાયેલા સમૂહશાદીના એક કાર્યક્રમનો વીડિયો સોશિયલ મીડિયા પર વાયરલ થયો હતો. જેમાં એક કવિતા કોઈએ એડ કરી હતી અને તેના દૃશ્યમાં કોંગ્રેસના રાજ્યસભા સાંસદ ઈમરાન પ્રતાપગઢી અને જામનગરના કોર્પોરેટર અલ્તાફ ખફી દેખાઈ રહ્યા હતા.
તે વીડિયોના આધારે નગર ના એક આસામીએ દેશની એકતા જોખમાય તેવું ગાયન વીડિયો સાથે મુકાયું હોવાની રાવ કરી હતી. જેના પગલે ગુન્હો નોંધાયો હતો. તે ફરિયાદ રદ્દ કરાવવા હાઈકોર્ટમાં અરજી થઈ હતી. તે અરજી રદ્દ થઈ હતી પરંતુ વચગાળાની રાહત અપાઈ હતી આ પછી સુપ્રિમ કોર્ટ સુધી પહોંચેલા આ મામલા માં કોર્ટે જે કવિતા બાબતે ગુન્હો દાખલ થયો છે તે કવિતાનો અર્થ સમજવાનો પ્રયાસ કરવો જોઈએ, આ કવિતા કોઈ ધર્મ વિરૂદ્ધની ન હતી પરંતુ તેમાં અહિંસાની વાત કરાતી હતી. તેવી દલીલ થઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
