Author: નોબત સમાચાર
ધ્રોલ તાલુકાની આર્યવ્રત સ્કૂલમાં તમાકુ મુકિત અભિયાન યોજાયુઃ વિવિધ રોગ અંગે માર્ગદર્શન
આરોગ્ય વિષયક સેમિનાર દરમિયાન
જામનગર તા. ૧૨: ધ્રોલ તાલુકાની આર્યવ્રત સ્કૂલમાં વિદ્યાર્થીઓ માટે આરોગ્ય વિષયક સેમિનાર યોજાયો હતો. જેમાં આરોગ્ય વિભાગ દ્વારા ટીબી, ડેન્ગ્યુ અને એનીમિયા રોગ અંગે જાણકારી તેમજ ટોબેકો ફ્રી યુથ કેમ્પેન ૨.૦ અંતર્ગત કિવઝનું આયોજન કરાયું હતું.
જામનગર આરોગ્ય વિભાગ દ્વારા ધ્રોલ તાલુકાના વાંકિયામાં આવેલ આર્યવ્રત સ્કૂલમાં આરોગ્ય સેમિનાર યોજવામાં આવ્યો હતો. જેમાં ટીબી વિભાગ દ્વારા વિદ્યાર્થીઓને ટીબી રોગ વિષે માહિતી આપવામાં આવી હતી. ટીબી ગંભીર બીમારી છે જે કોઈપણને અસર કરી શકે છે. ટીબી બેક્ટેરિયાને કારણે થાય છે, ટીબી શરીરના કોઈ પણ ભાગને અસર કરી શકે છે પરંતુ મોટાભાગે ફેફસાંમાં થાય છે, જે પલ્મોનરી ટીબી કહેવાય છે. ટીબીના લક્ષણોમાં બે અઠવાડિયા થી કે વધુ સમયથી ઉધરસ , ભૂખ ન લાગવી, વજન ઘટવું, સાંજે જીણો તાવ કે પરસેવો વગેરે જેવા લક્ષણો વિષે માહિતી આપવામાં આવી હતી. એક્ટિવ ટીબી ધરાવતી પરંતુ સારવાર લીધી ન હોય તેવી વ્યક્તિ દર વર્ષે ૧૦ થી ૧૫ કે વધુ લોકોને ચેપ લગાડી શકે છે. ટીબીના તમામ દર્દીને જ્યાં સુધી દવા ચાલુ રહે ત્યાં સુધી પોષણ યુક્ત આહાર માટે મહિને રૂ. ૫૦૦ની સહાય આપવામાં આવે છે.
વાહકજન્ય રોગચાળા ડેન્ગ્યું રોગ તેમજ એનીમિયા એટલે લોહતત્ત્વની કમી માટે પોષણ યુક્ત આહાર વિષે તેમજ, શાળાઓમાં દર બુધવારે લોહતત્ત્વની ગોળી વિતરણ અને ટોબેકો ફ્રી યુથ કેમ્પેન ૨.૦ અંગે માહિતી આપવામાં આવે છે.
જિલ્લા વિકાસ અધિકારી વિકલ્પ ભારદ્વાજ, મુખ્ય જિલ્લા આરોગ્ય અધિકારી ડો. એચ.એચ. ભાયા અને જિલ્લા ક્ષય અધિકારી ડો. ધીરેન પીઠડીયાના માર્ગદર્શન હેઠળ ડી.એસ.બી.સી.સી ચિરાગ પરમાર અને ટીબી વિભાગના વિકુંદભાઈ રાઠોડ દ્વારા શાળાના વિદ્યાર્થીઓને આ માહિતી આપવામાં આવી હતી અને પ્રશ્નોત્તરીનું આયોજન કરવામાં આવ્યું હતું. જેમાં બાળકોને ઇનામથી પ્રોત્સાહિત કરવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
