Author: નોબત સમાચાર
હાપા માર્કેટીંગ યાર્ડના નવા હોદ્ેદારો-ડાયરેકટરો આવક વૃદ્ધિ સાથે ખર્ચ ઘટાડવાના લીધા નિર્ણયોઃ પ્રશંસનિય
વાઈસ ચેરમેને વાહન યાર્ડને પરત કર્યુઃ સભ્યોએ વાહનભથ્થુ લેવાનુ બંધ કર્યું
જામનગર તા. ૧૨: ખેતીવાડી ઉત્પન્ન બજાર સમિતિ હાપા (જામનગર)ના નવા હોદ્દેદારોએ યાર્ડ માટે હિતકારક નિર્ણય કર્યા છે. વાઈસ ચેરમેને પોતાનું વાહન યાર્ડને પરત કરી ખર્ચ બચાવ્યો હતો. તો સભ્યોએ પોતાને મળતા વાહન ભથ્થાની રકમ નહી સ્વીકારવા નિર્ણય કર્યો હતો. ઉપરાંત ડુંગળીને તમામ કમિશન એજન્ટ માટે ખુલ્લી મુકવાનો યાર્ડના હિતમાં નિર્ણય લીધો હતો.
ગત તા. ૨૨-૬-૨૪થી હાપા માર્કેટ યાર્ડના નવા ડાયરેકટરોએ કાર્યભાર સંભાળ્યો હતો.
લગભગ છેલ્લા છ-સાડા છ ખાસમાં નવા ડાયરેકટરો-હોદ્ેદારોએ યાર્ડ માટે અને હિતકારી નિર્ણય કર્યા છે.
નવા બોર્ડની મળેલી પ્રથમ મિટિંગમાં જ તમામ સભ્યોએ મિટિંગમાં હાજર રહેવા માટે મળતા વાહન ભથ્થા સ્વેચ્છાએ બંધ કરવા નિર્ણય કર્યો હતો. જયારે વાઈસ ચેરમેન તરીકે વરણી થયેલા હીરેનભાઈ કોટેચાએ યાર્ડ તરફથી મળતી વાહન સુવિધા પરત કરી હતી. અને તે વાહનનું વેંચાણ કરવા નિર્ણય કરાયો હતો.
ઉપરાંત યાર્ડમાં ડુંગળીને તમામ કમિશન એજન્ટો માટે ખુલ્લી મુકવાનો નવા બોર્ડ દ્વારા નિર્ણય કરવામાં આવ્યો હતો. આમ અગાઉ દરરોજ ૭૦૦થી ૮૦૦ ગુણીની હરાજીમાં વેચાણ થતુ હતું તેના બદલે હાલ દરરોજ ૫ થી ૬ હજાર ગુણી ડુંગળીનું વેચાણ હરાજીમાં થાય છે. આથી યાર્ડની આવક વધી છે. તથા આપણા તાલુકાના ખેડૂતો ગોંડલ જતા તેના બદલે જામનગર યાર્ડમાં વેંચાણ માટે આવે છે.
શાકભાજી- ડુંગળી- બટેટામાં યુઝર્સ ચાર્જ ૫૦ પૈસા હતો તેને એક રૂપિયો કરવામાં આવ્યો છે. તેથી પણ યાર્ડની આવક વધી છે.
ઉપરાંત પીવાના પાણીની સુવિધા પણ વધારી દેવાઈ છે. છ રેકડીઓ મીનરલ વોટર સાથે સતત ફરતી રહે છે. સાથો સાથ સીસીટીવી કેમેરા, લાઈટીંગ સુવિધા વધુ સુદૃઢ બનાવાઈ છે. ખેડૂતો માટે ભોજનાલય, રાત્રિ રોકાણની પણ ઉત્તમ વ્યવસ્થા કરી છે.
આમ યાર્ડના હિત માટે ચેરમેન મુકુન્દભાઈ સભાયા, વાઈસ ચેરમેન હિરેનભાઈ કોટેચા તથા તમામ ડિરેકટરો સતત જહેમત ઉઠાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
