Author: નોબત સમાચાર
પ્રયાગરાજ મહાકુંભમાં આજે 'માઘી પૂર્ણિમા'નું અમૃત સ્નાનઃ અઢી કરોડ ભક્તો લગાવશે ડૂબકી
હેલિકોપ્ટર દ્વારા પુષ્પવર્ષાઃ હર-હર ગંગે, હર-હર મહાદેવનો નાદ
પ્રયાગરાજ તા. ૧રઃ આજે પ્રયાગરાજ મહાકુંભમાં અઢી કરોડ ભક્તો ગંગામાં પુણ્યની ડૂબકી લગાવશે, તેવો અંદાજ છે. ૪૪ ઘાટ પર માઘી પૂર્ણિમાનું સ્નાન શરૂ થયું છે. મુખ્યમંત્રી યોગી પોતે વહેલી પરોઢથી દેખરેખ રાખી રહ્યાં છે.
માઘી પૂર્ણિમાના શુભ દિવસે સંગમના કિનારે ૪૪ ઘાટ પર મહાસ્નાનનો પ્રારંભ થયો છે.જેમાં ઘંટ અને શંખના અવાજો ગુંજી ઉઠે છે. શ્રદ્ધામાં ડૂબકી લગાવનારાઓ હર-હર ગંગે, હર-હર મહાદેવના મંત્ર સાથે અમૃત પીવા માટે સંગમમાં ડૂબકી લગાવવા લાગ્યા.
સરકારી અંદાજ મુજબ, માઘ પૂર્ણિમાના દિવસે ૨.૫ કરોડ શ્રદ્ધાળુઓ પવિત્ર સ્નાન કરશે. અત્યાર સુધીમાં માઘ પૂર્ણિમાના દિવસે ૧ કરોડ લોકોએ સંગમમાં પવિત્ર ડુબકી લગાવી.
હાલમાં, સંગમ કિનારે ભક્તોનો ભારે ધસારો છે. આજે માઘી પૂર્ણિમાના મહાકુંભમાં ભક્તોની ભારે ભીડ ઉમટી પડી છે. માઘી પૂર્ણિમાનું વિશેષ મહત્ત્વ છે. આ દિવસે, સંગમની રેતી પર એક મહિના સુધી કઠોર તપ અને જપ કરનારા કલ્પવાસીઓનો સંકલ્પ પૂર્ણ થાય છે. ત્યારબાદ કલ્પવાસીઓ સ્નાન કરે છે અને દાન કરે છે અને પોતાના ઘરે પાછા ફરે છે. માઘી પૂર્ણિમાના સ્નાન મહોત્સવમાં ભાગ લેવા માટે દેશ-વિદેશના ખૂણે ખૂણેથી મોટી સંખ્યામાં ભક્તો આવી રહૃાા છે. આ મહાકુંભ મેળામાં મિની ઇન્ડિયા જોવા મળી રહૃાું છે. અહીં આવતા ભક્તો યોગી સરકાર દ્વારા કરવામાં આવેલી વ્યવસ્થાથી સંપૂર્ણપણે સંતુષ્ટ હોય તેવું લાગે છે.
મહાકુંભ મેળામાં આવતા ભક્તો પીએમ મોદી અને સીએમ યોગીના સમર્થનમાં સૂત્રોચ્ચાર પણ કરી રહૃાા છે. આજે માઘી પૂર્ણિમાના દિવસે, નાગા સાધુઓના અખાડાઓએ સૌથી પહેલા સ્નાન કર્યું. આ પછી, અખાડાઓએ અને પછી સંતોએ ડૂબકી લગાવી. આ -ક્રિયા પછી જ સામાન્ય ભક્તોએ સ્નાન કરવાનું શરૂ કર્યું.
આજે સંગમ કિનારે સ્નાન કરી રહેલા શ્રદ્ધાળુઓ પર હેલિકોપ્ટરથી ફૂલોનો વરસાદ કરવામાં આવી રહૃાો છે. મહાકુંભમાં આવનારા શ્રદ્ધાળુઓને થઈ રહેલી અસુવિધા અંગે મુખ્યમંત્રી યોગી આદિત્યનાથની નારાજગી બાદ પોલીસ અધિકારીઓ વધુ સક્રિય જોવા મળ્યા હતા અને ભીડ વ્યવસ્થાપન માટે ખાસ તૈયારીઓ કરવામાં આવી છે. ભક્તોના વાહનો પાર્ક કરવા માટે ચારે દિશામાં અલગ ર્પાકિંગ બનાવવામાં આવ્યા છે.
વાહનોના આગમન, ર્પાકિંગ અને હટાવતી વખતે કોઈ અસુવિધા ન થાય તે માટે, તમામ પાર્કિંગ સ્થળોએ વધારાનો પોલીસ દળ તૈનાત કરવામાં આવ્યો છે. માઘ પૂર્ણિમાના દિવસે સંગમ ખાતે ભવ્ય તાાન ચાલુ રહે છે. ભક્તોની ભીડ સતત વધી રહી છે. મેળા વિસ્તારમાં વ્યવસ્થા જાળવવા માટે ૧૫ જિલ્લાના ડીએમ, ૨૦ આઈએએસ અને ૮૫ પીસીએસ અધિકારીઓ ફરજ પર તૈનાત છે. આ સાથે,
સીએમ યોગી આદિત્યનાથ સવારે ૪ વાગ્યાથી વોર રૂમમાંથી નજર રાખી રહૃાા છે. તેમની સાથે ડીજી પ્રશાંત કુમાર પણ હાજર છે.
સીએમ યોગીએ પાંચમા અમૃત સ્નાન નિમિત્તે સંગમ કિનારે પહોંચેલા ભક્તો અને રાજ્યના લોકોને અભિનંદન પાઠવ્યા છે. તેમણે ઇન્સ્ટાગ્રામ પર લખ્યું, પવિત્ર તાાન પર્વ માઘ પૂર્ણિમાની રાજ્યના તમામ ભક્તો અને લોકોને હાર્દિક શુભકામનાઓ! આજે પ્રયાગરાજમાં મહાકુંભ-૨૦૨૫માં પવિત્ર ત્રિવેણીમાં પવિત્ર સ્નાન કરવા આવેલા તમામ પૂજ્ય સંતો, ધાર્મિક નેતાઓ, કલ્પવાસીઓ અને ભક્તોને હાર્દિક શુભેચ્છાઓ! ભગવાન શ્રી હરિ ની કળપાથી દરેકનું જીવન સુખ, સમૃદ્ધિ અને સૌભાગ્યથી ભરેલું રહે. માતા ગંગા, માતા યમુના અને માતા સરસ્વતી બધાની મનોકામના પૂર્ણ કરે, આ મારી ઈચ્છા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
