Author: નોબત સમાચાર
જામનગર આજે પણ ગાઢ ધૂમ્મસમાં લપેટાયું: ૧.૧ ડીગ્રીના વધારા સાથે લઘુતમ તાપમાન ૧૬.૬ ડીગ્રી
વાતાવરણમાં ભેજનું પ્રમાણ ૯૮ ટકાએ સ્થિર રહેતા
જામનગર તા. ૧રઃ જામનગરના વાતાવરણમાં ભેજનું પ્રમાણ ૯૮ ટકાએ સ્થિર રહેતા આજે પણ વહેલી સવારે ગત્ ધૂમ્મસનું સામ્રાજ્ય જોવા મળ્યું હતું. ધોરીમાર્ગો પર વિઝિબિલિટ ખૂબ જ ઘટી જતા આજે સવારે ણ વાહનચાલકોને હાલાકીનો સામનો કરવો પડ્યો હતો. ૧.૧ ડીગ્રીના વધારા સાથે લઘુતમ તાપમાન ૧૬.૬ ડીગ્રી નોંધાયું હતું.
જામનગરમાં આજે સવારે પૂરા થતા ચોવીસ કલાક દરમિયાન વાતાવરણમાં ભેજનું પ્રમાણ ૯૮ ટકાએ સ્થિર રહ્યું હતું. ભેજનું પ્રમાણ વધુ રહેતા સતત બીજા દિવસે પણ આખુ ય નગર ગાઢ ધૂમ્મસમાં લપેટાઈ ગયું હતું. જામનગર શહેરની સરખામણીમાં ધોરીમાર્ગો પર આજે સવારે પણ અત્યંત ગાઢ ધૂમ્મસ રહેવા પામી હતી. જેના પગલે વિઝિબિલિટી ખૂબ જ ઘટી જતા વાહનચાલકો ભારે હાલાકીનો સામનો કરવો પડ્યો હતો. અકસ્માત ન થાય તે માટે વાહનચાલકોએ વાહનની ગતિ ધીમી રાખવાની સાથે સાથે ધોળા દિવસે પણ હેડલાઈટ ચાલુ રાખવાની ફરજ પડી હતી. ઝાકળભીની સવારથી વાહનો તથા માર્ગો ભીના થઈ ગયા હતાં. સૂર્યદેવતા ઉદીત થતા ધીમે-ધીમે ગાઢ ધૂમ્મસનું જોર ઘટી જવા પામ્યું હતું.
નગરમાં પવનની ગતિ વધીને પ્રતિકલાકની સરેરાશ રપ થી કિ.મી.ની રહેવા પામી હતી. તેજીલા વાયરાઓના પગલે ખાસ કરીને સાંજથી જ વાતાવરણમાં ઠંડક પ્રસરવાનો પ્રારંભ થઈ ગયો હતો.
નગરમાં બુધવારે સવારે પૂરા થતા ચોવીસ કલાક દરમિયાન ૧.૧ ડીગ્રીના વધારા સાથે લઘુતમ તાપમાન ૧૬.૬ ડીગ્રી, જ્યારે ૩ ડીગ્રી ઘટીને મહત્તમ તાપમાન ર૮ ડીગ્રી નોંધાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
