Advertisement
Author: નોબત સમાચાર

જામનગરમાં ચોથા માળે આવેલા શિક્ષિકાના ફ્લેટમાંથી સવા લાખના દાગીનાની થઈ ચોરી

પાંચ દિવસ બંધ પડેલા ફ્લેટમાં હાથફેરોઃ

જામનગર તા.૧૨ : જામનગરના સમર્પણ સર્કલ નજીક આવેલી એક સોસાયટી સ્થિત એપાર્ટમેન્ટના ચોથા માળે વસવાટ કરતા શિક્ષિકાના પાંચ દિવસ બંધ પડેલા ફલેટમાંથી સોના-ચાંદીના દાગીના મળી રૂ.સવા લાખ ઉપરાંતની મત્તાની ચોરી થઈ છે. પોલીસે તસ્કરના સગડ દબાવ્યા છે.

જામનગરના સમર્પણ સર્કલ પાસે આવેલી વાસાવીરા સોસાયટીની શેરી નં.૩માં રાધે શ્યામ એપાર્ટમેન્ટમાં ચોથા માળે રહેતા શિક્ષિકા શર્મિષ્ઠાબેન ઉપેન્દ્ર ભજદેઓ નામના મૂળ ઓરિસ્સાના વતની મહિલા ગઈ તા.૪ના દિને પોતાનો ફલેટ બંધ કરીને બહારગામ ગયા હતા જ્યાંથી તેઓ તા.૯ની સાંજે પરત આવ્યા હતા.

ઉપરોક્ત સમય દરમિયાન બંધ રહેલા તેમના ફલેટમાં કોઈ તસ્કર ઘૂસી ગયો હતો. તેણે અંદર કબાટમાંથી બેગ શોધી કાઢી તેમાંથી સોના તથા ચાંદીની મીક્સ બનાવટની ચાર બંગડી, બે નાની બંગડી, બે તોલાનો સોનાનો નેકલેસ, બે ચેઈન, બે પેંડલ, એક વીટી, બે મંગળસૂત્ર, કાનની ચાર જોડી બુટી, સોનાનું બિસ્કિટ, ચાંદીનંુ પેન્ડલ, સાંકળા, વીંછીયા, બુટી મળી કુલ રૂ.૧,૩૦,૯૦૦ના દાગીના તથા પોસ્ટઓફિસની પાસબુક ઉઠાવી હતી.

ઉપરોક્ત ચોરીની ગઈકાલે સિટી સી ડિવિઝન પોલીસ સ્ટેશનમાં શર્મિષ્ઠાબેને ફરિયાદ નોંધાવી છે. પોલીસે અજાણ્યા તસ્કરના સગડ દબાવ્યા છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh