Author: નોબત સમાચાર
નબળી આર્થિક પરિસ્થિતિ અને પુત્રની સાધુ બની જવાની વાતથી પ્રૌઢે જીવન ટૂંકાવ્યું
હાપામાં યુવાનનો અકળ કારણથી ગળાફાંસોઃ
જામનગર તા.૧૨: પ્રૌઢમાં રહેતા એક પ્રૌઢ નબળી આર્થિક પરિસ્થિતિના કારણે પરેશાન હતાં તેમાં પુત્રવધૂ રિસામણે ચાલ્યા જતા અને પુત્રએ સાધુ બની જવાની વાત કરતા આ પ્રૌઢે ગળાફાંસો ખાઈ જીવતર ટૂંકાવ્યું છે. જ્યારે હાપામાં એક યુવાને અગમ્ય કારણથી ગળાટૂંપો ખાઈ લઈ જિંદગીનો અંત આણ્યો છે.
ધ્રોલ શહેરમાં બસ સ્ટેશન પાસે ત્રિકમવાસમાં રહેતા વસંતભાઈ ખીમજીભાઈ શ્રીમાળી (ઉ.વ.૫૮) નામના પ્રૌઢે ગઈકાલે સવારે ચાર વાગ્યાથી સાત વાગ્યા સુધીમાં પોતાના ઓરડામાં લોખંડના એન્ગલમાં ચુંદડી બાંધી ગળા ફાંસો ખાઈ લીધો હતો.
આ બાબતની તેમના પરિવારને જાણ થતાં વસંત ભાઈને નીચે ઉતારી ચકાસવામાં આવતા તેઓ મૃત્યુ પામેલા જણાઈ આવ્યા હતા. આ બનાવની મૃતકના મોટાભાઈ જીતુભાઈ શ્રીમાળીએ પોલીસને જાણ કરી છે. તેઓએ પોલીસ સમક્ષ જાહેર કર્યા મુજબ આર્થિક નબળી પરિસ્થિતિનો સામનો કરતા વસંતભાઈના પુત્રની પત્ની પણ થોડા દિવસ પહેલાં રિસામણે ચાલી ગઈ હતી. તે પછી પુત્ર સાધુ બનવાની વાત કરી ઘરેથી જતો રહેવાની વાત કરતો હતો તેથી લાગી આવતા વસંતભાઈએ આ પગલું ભરી લીધુ છે.
જામનગર નજીકના હાપામાં વેલનાથ સોસાયટીમાં રહેતા અનિલભાઈ અશ્વિનભાઈ ઉર્ફે કાનાભાઈ સનુરા (ઉ.વ.રપ) નામના કોળી યુવાને કોઈ અગમ્ય કારણથી ગઈકાલે પોતાના ઘરમાં પંખાના હુંકમાં લુંગી વડે ગાળીયો બનાવી ગળાફાંસો ખાઈ લીધો છે. મૃતકના નાનાભાઈ રવિભાઈ સનુરાએ પોલીસને જાણ કરી છે. પોલીસે મૃતદેહને પી.એમ. માટે ખસેડી આ યુવાનની આત્મહત્યા પાછળનું કારણ જાણવા તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
