Author: નોબત સમાચાર
જી.જી. હોસ્પિટલની દવાબારી પાસેથી મોબાઈલ ઉઠાવનાર શખ્સ ઝડપાઈ ગયો
ત્રણેક મહિના પહેલાં ફોન તફડાવ્યાની કબૂલાતઃ
જામનગર તા.૧૨ : જામનગરની હોસ્પિટલની દવા બારી પાસેથી ત્રણેક મહિના પહેલાં એક આસામીનો મોબાઈલ ચોરાઈ ગયો હતો. તેની તપાસમાં પોલીસે એક શખ્સને ચોરાઉ મોબાઈલ સાથે પકડી લીધો છે.
જામનગર શહેરમાં ત્રણેક મહિના પહેલા એક આસામીનો વીવો કંપનીનો મોબાઈલ ચોરાઈ ગયાની પોલીસમાં ફરિયાદ કરવામાં આવી હતી. તે ફોનના આઈએમઈઆઈ નંબર તથા તેમાં રહેલા કાર્ડ અંગે વિગતો પ્રાપ્ત કરી પોલીસે પીઆઈ પી.પી. ઝાની સૂચનાથી તપાસનો ધમધમાટ શરૂ કર્યાે હતો. જેમાં આ નંબરની કોલ રેકોર્ડ પણ કઢાવાઈ હતી.
ત્યારપછી સર્વેલન્સ સ્ટાફના ક્રિપાલસિંહ સોઢા, જયદીપસિંહ જાડેજાને મળેલી બાતમીના આધારે આયુર્વેદિક યુનિ. પાસેથી બેડેશ્વરમાં સીફા પાર્ક નજીક રહેતા ઉદય રાજેશ મેણીયા નામના શખ્સને દબોચી લેવાયો હતો. આ શખ્સની તલાશી લેવાતા તેની પાસેથી મોબાઈલ સાંપડ્યો હતો. તેની પૂછપરછ કરાતા તેણે આ મોબાઈલ ત્રણેક મહિના પહેલાં જી.જી. હોસ્પિટલમાં દવાબારી પાસેથી તફડાવ્યો હોવાની કબૂલાત કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
