Author: નોબત સમાચાર
જામનગર મ્યુનિસિપલ કમિશનરે રજૂ કરેલા બજેટમાં પૂરા અભ્યાસ વિના કાપ કે પછી 'મેચ ફીક્સ' હતો?
ચેરમેન સહિત સ્ટેન્ડીંગ કમિટીના કેટલાક સભ્યો તો ક્રિકેટ રમવા ગાંધીનગર ગયા હતાં...
જામનગર તા. ૧રઃ જામનગર મહાનગર પાલિકામાં કમિશનર દ્વારા બજેટ રજૂ કરવામાં આવે છે. તેમાં સૂચવાયેલ કર-દર વધારામાં સ્ટેન્ડીંગ કમિટી દ્વારા સુધારા-વધારા સૂચવવામાં આવે છે અને પરંતુ જામનગરની સ્ટેન્ડીંગ કમિટીના સભ્યો કેવો અભ્યાસ કરતા હશે તે કમિટીની કાર્યવાહીથી જોવા મળી રહે છે.
સ્ટેન્ડીંગ કમિટીના ચેરમેન સહિત કેટલાક સભ્યો તો ક્રિકેટ મેચ રમવા ગાંધીનગર ગયા હતાં જ્યાં ચાર-પાંચ દિવસ મેચની રમતની મોજ માણી હતી, અને ચેમ્પિયન બનીને ટીમ પરત ફરી ને રાતોરાત સ્ટેન્ડીંગ કમિટીની બેઠક બોલાવી કમિશનરે સૂચવેલ કર-દર વધારામાં કાતર ફેરવી દઈ બજેટને બહાલી આપી દીધી હતી.
હકીકતે બજેટ એ અભ્યાસનો વિષય છે. જેનો ગહન અભ્યાસ કરવો જોઈએ, અને જરૂર જણાય ત્યાં કર-દર વધારામાં કાપ મૂકવા અને વધારો કરવાનું જણાય ત્યાં કર વધારો કરવા સૂચન કરવાનું હોય છે, પરંતુ દસમાંથી પાંચ દિવસ તો ચેરમેન સહિતના અમુક સભ્યો ક્રિકેટ મેચની રમતમાં વ્યસ્ત હતાં તો બાકી બચેલા ચાર-પાંચ દિવસમાં જ શું બજેટનો અભ્યાસ કરી લીધો? આ સભ્યો એટલા બધા હોશિયાર છે કે બે-ચાર દિવસમાં બજેટને ગળે ઉતારી લેવાયું અને થોડો કાપ મૂકીને બજેટ મંજુર કરી સામાન્ય સભામાં મોકલી આપ્યું હતું કે પછી મેચ ફિક્સ હતો કે એક તરફથી વધારો થાય અને અહિંથી થોડી કાતર ફેરવાઈ જાય એટલે બજેટની રમત પૂરી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
