Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
'જસ્ટ મોજ'ની પ્રથમ વર્ષગાંઠ પર એન્થમ સોંગ સાથે પુસ્તક વિમોચન
જામનગર તા. ૧૨: જામનગરમાં 'જસ્ટ મોજ' ગ્રુપ તેના અનોખા અને આહ્લાદક કાર્યક્રમોને પગલે ટૂંકા સમયમાં જ એક બ્રાન્ડ તરીકે લોકપ્રિય થયું છે ત્યારે તેની પ્રથમ વર્ષગાંઠની ઉજવણી નિમિત્તે શિવાલિક સાઇન, લાખાબાવળમાં 'મૌજ-એ-બંદિશ' નામના સંગીત કાર્યક્રમનું આયોજન કરવામાં આવ્યું હતું.
કાર્યક્રમમાં ખ્યાતનામ ગાયક કલાકારો રૂપેશ ચૌહાણ, સુનિલ મેનન તથા મેઘના ગાંગુલી દ્વારા સૂરોની મહેફિલ જમાવવામાં આવી હતી. ડૉ. કેતન કારીયાનું સંચાલન સોનામાં સુગંધ સમાન હતું. રાગ આધારીત પ્રસ્તુતિઓ સાથે બોલીવુડ ગીતોનું દૂધમાં સાકર ભળે એવું મિશ્રણ અદભૂત હતું.
એલ.ઇ.ડી. સ્ક્રીન પર ગીતોની પ્રસ્તુતિ અનુરૂપ તેના સર્જકોના ચિત્રો સહિતના દૃશ્યોએ અનોખું વાતાવરણ સર્જ્યુ હતું.
કાર્યક્રમમાં 'માઇક મેરેથોન' માં ભાગ લેનારાઓને તેમના સર્ટીફિકેટનું વિતરણ કરવામાં આવ્યું હતું અને આ હિસ્સાનું સંચાલન પણ માઇક મેરેથોનમાં ભાગ લેનારા લોકો દ્વારા જ કરવામાં આવ્યું હતું. કાર્યક્રમમાં 'જસ્ટ મોજ'નું એન્થમ સોંગ પણ રિલિઝ કરવામાં આવ્યું હતું. જેને શ્રોતાઓએ દિલથી વધાવ્યુ હતું.
'જસ્ટ મોજ'ના ફાઉન્ડર્સ પૈકીનાં ડૉ. કેતન કારીયાનાં પુસ્તક 'પ્રેમ એમ અને કેમ?' નું વિમોચન કરવામાં આવ્યું હતું જેમાં સમગ્ર જસ્ટ મોજ ફેમિલી જોડાયું હતું.
અંદાજીત ૧૫૦૦ શ્રોતાઓએ ચા-પાણીની લિજ્જત અને તાપણાની હૂંફ સાથે કાર્યક્રમને મનભરીને માણ્યો હતો.
કાર્યક્રમને સફળ બનાવવા જસ્ટ મોજનાં ફાઉન્ડર્સ પૈકીનાં કલ્પેશ ખગ્રામ, ડૉ. મિલન ગણાત્રા સહિત 'મૌજ-એ-બંદિશ' પરીવારનાં આશિષ પી. સંઘવી, ભાવીન ભોજાણી, દિપક ભાનુશાળી, દેવાંશુ ચાંગલાણી, ડૉ. પી.ડી. છૈયા, ડૉ.હાર્દિક સુરેલીયા, રોહિત પરમાર, કુંતલ ધકાણ, પુનિત શાહ, સિદ્ધાર્થ મહેતા, આનંદ ગોકાણી, કેયુર પટેલ, નિરવ એચ. સોલંકી અને સમગ્ર 'જસ્ટ મોજ' પરીવારે જહેમત ઉઠાવી હતી.
'નોબત' આ કાર્યક્રમનાં મિડીયા પાર્ટનર તરીકે રહ્યું હતું. વેન્યુ પાર્ટનર તરીકે શિવાલિક સાઇન તથા પ્રિન્ટ પાર્ટનર તરીકે રાજ ડિઝાઇન્સ સહભાગી થયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial