NOTIFICATION
Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
- You are here:
- મુખ્ય સમાચાર
- વિગતવાર સમાચાર
Author: નોબત સમાચાર
ચેક પરતના કેસમાં દિલ્હીના વેપારીને કેદઃ નગરના આસામીને પણ કેદ-દંડ
કલ્યાણ ચોકના શખ્સને ચેક પરતમાં એક વર્ષની સજાઃ
જામનગર તા.૧૨: જામનગરના એક કારખાનેદારે દિલ્હીના વેપારી સામે રૂ.૬ લાખના ચેક પરતની કરેલી ફરિયાદમાં અદાલતે બે વર્ષની કેદની સજા ફટકારી છે. જ્યારે રૂ.પ લાખના ચેક પરતના કેસમાં કલ્યાણ ચોકના શખ્સને એક વર્ષની કેદ પડી છે. ઉપરાંત મિત્રતાના દાવે આપેલા રૂ.૩ લાખ ૧૮ હજાર સામે અપાયેલો ચેક પરત ફર્યાની ફરિયાદમાં પણ બે વર્ષની કેદની સજા કરવામાં આવી છે.
જામનગર નજીકના દરેડ જીઆઈડીસી ફેસ-૨માં કારખાનુ ધરાવતા ઝકમા એન્ટરપ્રાઈઝવાળા અવિનાશ પ્રેમચંદ ઝાખરીયા પાસેથી દિલ્હીના વેપારી પ્રદીપ અગ્રવાલે રૂ.૬ લાખ હાથઉછીના મેળવ્યા હતા. તે રકમની ચૂકવણી માટે અપાયેલો ચેક બેંકમાંથી પરત ફરતા અવિનાશ ઝાખરીયાએ જામનગરની કોર્ટમાં ફરિયાદ નોંધાવી હતી.
તે કેસ ચાલી જતા અદાલતે આરોપી પ્રદીપ અગ્રવાલને તક્સીરવાન ઠરાવી બે વર્ષની કેદની સજા અને રૂ.૬ લાખ વળતર પેટે ચૂકવી આપવાનો હુકમ કર્યાે છે. ફરિયાદી તરફથી વકીલ નાથાલાલ ઘાડીયા, પરેશ સભાયા, હીરેન સોનગરા, રાકેશ સભાયા, ગજેન્દ્રસિંહ ઝાલા, નૈમિષ ઉમરેટીયા રોકાયા હતા.
જામનગરના પાંચ હાટડી વિસ્તારમા રહેતા યુસુફ વાહીદ સમા નામના આસામી પાસેથી કાલાવડ નાકા બહાર કલ્યાણ સોસાયટીમાં રહેતા દિલીપ દામજીભાઈ વાઘેલાએ રૂ.પ લાખ હાથઉછીના મેળવી ચેક આપ્યો હતો. તે ચેક પરત ફર્યાની યુસુફ સમાએ ફરિયાદ કરી હતી. અદાલતે આરોપીને એક વર્ષની સજા અને રૂ.૫ લાખ વળતર પેટે ચૂકવવા હુકમ કર્યાે છે. ત્રણ મહિનામાં વળતર ચૂકવવામાં નહીં આવે તો વધુ છ મહિનાની સજાનો આદેશ કરાયો છે. ફરિયાદી તરફે વકીલ ઉમર એ. લાકડાવાલા રોકાયા હતા.
જામનગરના ચિરાગ નરેન્દ્ર ભાઈ પાસેથી મિત્રતાના દાવે કેતન દામજીભાઈ વાઘેલાએ રૂ.૩ લાખ ૧૮ હજાર હાથ ઉછીના મેળવી તેની પરત ચૂકવણી માટે ચેક આપ્યો હતો. તે ચેક પરત ફર્યાની ચિરાગ ભાઈએ અદાલતમાં ફરિયાદ કરી હતી. તે કેસ ચાલી જતાં અદાલતે આરોપી કેતન દામજીભાઈ વાઘેલાને તક્સીરવાન ઠરાવી બે વર્ષની કેદની સજા અને ચેકની રકમથી બમણી રકમનો દંડ અને ચેકની રકમ વળતર પેટે ચૂકવી આપવાનો આદેશ કર્યાે છે. તે રકમ ચૂકવવામાં ન આવ તો વધુ છ મહિનાની કેદ ફટકારવામાં આવી છે. ફરિયાદી તરફથી વકીલ અબરારઅલી એ. ઘોરી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
MARKET
હવામાન
શબ્દવ્યુહ
MARKET
હવામાન
