Author: નોબત સમાચાર
સગીરા પર દુષ્કર્મ ગુજારનાર નરાધમ પિતાને છેલ્લા શ્વાસ સુધીની સખત કેદ
તરૂણીને પેટમાં દુખાવો થતાં ફૂટ્યો હતો ભાંડોઃ
જામનગર તા.૧૨: જામનગરની એક સગીરા પર સવા ત્રણ વર્ષ પહેલાં તેણીના સગા પિતાએ દુષ્કર્મ ગુજારી ૧૨ અઠવાડિયાનો ગર્ભ રાખી દીધો હતો. તે મામલો પ્રકાશમાં આવ્યા પછી પોલીસે ગુન્હો નોંધી નરાધમ પિતાની ધરપકડ કરી હતી. તે કેસ ચાલી જતાં અદાલતે આરોપીને છેલ્લા શ્વાસ સુધીની કેદની સજા ફટકારી છે.
આ ચકચારી કિસ્સાની વધુ વિગતો મુજબ જામનગરના એક વિસ્તારમાં વસવાટ કરતા પરિવારની સવા તેર વર્ષની પુત્રીએ સવા ત્રણ વર્ષ પહેલાં પોતાના પેટમાં દુખાવો થતો હોવાની મોટી બહેનને જાણ કર્યા પછી તે તરૂણીને સારવાર માટે હોસ્પિટલમાં લઈ જવાઈ હતી. જ્યાં તબીબે તેણીને ચકાસ્યા પછી ૧૨ અઠવાડિયા નો ગર્ભ તેણીના પેટમાં હોવાની વાત કરતા સાથે આવેલી તરૂણીની મોટી બહેન હેબતાઈ હતી. તે પછી આ તરૂણીએ પોતાના સગા પિતાએ દુષ્કર્મ આચર્યાની વાત કરતા સમગ્ર પરિવાર સ્તબ્ધ થયો હતો.
આ બાબતની ગઈ તા.ર૭-૧૧-રરના દિને પોલીસમાં ફરિયાદ કરાતા પોલીસે ગુન્હો નોંધી તરૂણીના પિતાની ધરપકડ કરી હતી. પોક્સો તથા આઈપીસીની કલમ ૩૭૬, ૫૦૬ (ર) સહિતના નોંધાયેલા આ ગુન્હામાં ડીએનએ ટેસ્ટ પણ કરવામાં આવ્યો હતો અને મંજૂરી મેળવી ગર્ભપાત કરાવાયો હતો.
ઉપરોક્ત કેસ જામનગરની ખાસ પોક્સો અદાલતમાં ચાલવા પર આવતા સરકાર પક્ષે ૧૯ સાક્ષીની જુબાની અને દસ્તાવેજી પુરાવા રજૂ કર્યા હતા. તેને ગ્રાહ્ય રાખી ન્યાયમૂર્તિ એમ.કે. ભટ્ટે આરોપી પિતાને તક્સીરવાન ઠરાવી પોક્સો એક્ટની કલમ ૪, ૬ હેઠળના ગુન્હામાં આજીવન કેદની સજા અને પોક્સો એક્ટની કલમ ૮ના ગુન્હામાં પાંચ વર્ષની કેદ, આઈપીસી ૫૦૬ (ર)ના ગુન્હામાં સાત વર્ષની કેદ અને રૂ.૧૦ હજારનો દંડ ફટકાર્યાે છે. દંડની કુલ રકમ રૂ.૪૦ હજાર ભોગ બનનારને ચૂકવવા ઉપરાંત વળતર પેટે પણ રૂ.૬ લાખ કમ્પેઈન્સેશન માંથી આપવા અદાલતે આદેશ કર્યાે છે. સરકાર તરફથી પીપી ભારતીબેન વાદી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
