Author: નોબત સમાચાર
લોહીની ઉલ્ટી થયા પછી પરપ્રાંતીય શ્રમિકનું સારવાર દરમિયાન થયું મૃત્યુ
બીમાર હાલતમાં મળેલા વૃદ્ધનું મોતઃ
જામનગર તા.૧૨ : જામનગરના કાનાલુસ ગામ નજીક લેબર કોલોનીમાં રહેતા એક પરપ્રાંતીય શ્રમિકને લોહીની ઉલ્ટી થયા પછી તેઓનું સારવારમાં મૃત્યુ નિપજ્યું છે. બીમાર હાલતમાં મળી આવેલા અજાણ્યા પ્રૌઢનું પણ મૃત્યુ થયું છે. પોલીસે મૃતકની ઓળખ મેળવવા તપાસ હાથ ધરી છે.
લાલપુર તાલુકાના કાનાલુસ ગામ પાસે આવેલી લેબર કોલોનીમાં રહેતા મૂળ ઝારખંડ રાજ્યના ગઢવા જિલ્લાના વતની બિરેન્દ્ર મદન પ્રજાપતિ (ઉ.વ.૪૭) નામના યુવાન ગઈકાલે સવારે પોતાની નોકરી પર જવા માટે કંપનીની બસમાં બેઠા હતા ત્યારે કોઈ કારણથી લોહીની ઉલ્ટી થતાં સારવાર માટે રિલાયન્સની હોસ્પિટલ તથા વધુ સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા. જ્યાં તેઓનું મૃત્યુ નિપજ્યું છે. અમિતાભ બિહારી શર્માએ પોલીસને જાણ કરી છે.
જામનગરના જોલીબંગલા પાસે રહેતા ગૌરવ અશોકભાઈ દામા નામના આસામીએ ગઈકાલે સાંઈઠેક વર્ષના લાગતા એક અજાણ્યા વૃદ્ધને બીમાર જેવી હાલતમાં જોતા તેઓને સારવાર માટે જી.જી. હોસ્પિટલમાં ખસેડ્યા હતા. જ્યાં ફરજ પરના તબીબે આ વૃદ્ધને ચકાસ્યા પછી મૃત્યુ પામેલા જાહેર કર્યા હતા. ગૌરવભાઈએ પોલીસને જાણ કરી છે. પોલીસે મૃતકની ઓળખ મેળવવા તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
