Author: નોબત સમાચાર
છત્તીસગઢમાં એન્કાઉન્ટરઃ ૧ર નક્સલીઓ ઠાર
સુરક્ષા દળોનું સફળ ઓપરેશન
રાયપુર તા. ૩: છત્તીસગઢમાં સુરક્ષા દળોનું મોટું ઓપરેશન પાર પાડ્યું છે. સુકમામાં ૧૦ અને બીજાપુરમાં ર નક્સલીઓ એન્કાઉન્ટરમાં ઠાર કરાયા છે.
છત્તીસગઢના નક્સલ પ્રભાવિત બસ્તર વિસ્તારમાં શનિવારે સુરક્ષાદળો અને નક્સલીઓ વચ્ચે થયેલી ભીષણ અથડામણમાં ૧ર નક્સલીઓ માર્યા ગયા છે.
પોલીસના જણાવ્યા અનુસાર સુરક્ષા દળોએ સુકમા અને બીજાપુર જિલ્લામાં આ ઓપરેશન પાર પાડ્યું હતું. શનિવારે વહેલી સવારે સુકમા જિલ્લામાં થયેલી અથડામણમાં ૧૦ થી વધુ નક્સલીઓને ઠાર કરવામાં આવ્યા છે. આ સાથે જ, પડોશી બીજાપુર જિલ્લામાં પણ સુરક્ષાદળોએ બે નક્સલીઓને મોતને ઘાટ ઉતાર્યા હતાં. એક વરિષ્ઠ પોલીસ અધિકારીએ જણાવ્યું કે, સુકમા જિલ્લાના દક્ષિણ વિસ્તારના જંગલોમાં નક્સલ વિરોધી અભિયાન હેઠળ સુરક્ષાકર્મીઓની એક ટીમ સર્ચ ઓપરેશન પર હતી. આ દરમિયાન જંગલમાં છૂપાછેલા નક્સલીઓએ સુરક્ષા દળો પર ફાયરીંગ શરૂ કરી દીધું હતું.
જવાબી કાર્યવાહીમાં સુરક્ષા દળોએ આક્રમક પ્રહાર કર્યા હતાં, જેમાં મોટી સંખ્યામાં નક્સલીઓ માર્યા ગયા છે. હાલમાં આ સમગ્ર વિસ્તારમાં વધારાની ટીમ મોકલી દેવામાં આવી છે અને સર્ચ ઓપરેશન હજુ પણ ચાલુ હોવાના અહેવાલ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
