Author: નોબત સમાચાર
યુવતીને ભગાડી જવાના મામલે બે મહિલા સહિત ત્રણના અપહરણ
ચાર શખ્સ બોલેરોમાં ઉપાડી જતાં તપાસનો ધમધમાટઃ
જામનગર તા.૬ : કાલાવડના ધુનધોરાજી ગામમાં એક ખેતરમાં શનિવારે રાત્રે પરપ્રાંતીય શ્રમિક પરિવાર નિદ્રાધીન થયો હતો. તે પછી વહેલી સવારે બોલેરોમાં ધસી આવેલા ચાર શખ્સે આ પરિવારના બે મહિલા સહિત ત્રણના અપહરણ કર્યાની પોલીસમાં ફરિયાદ કરાઈ છે. એક શખ્સની બહેનને ભગાડી જવાના મામલે ઉશ્કેરાયેલા આ શખ્સે અપહરણ કર્યાની કેફિયત આપવામાં આવી છે. પોલીસે આરોપીઓને પકડી પાડવા તપાસ શરૂ કરી છે.
કાલાવડ તાલુકાના ધુન ધોરાજી ગામમાં ખેતમજૂરી માટે આવીને રહેતા કૈલાશભાઈ નામના આદિવાસી શ્રમિકે ત્યાં એક ખેતર ભાગમાં વાવવા માટે રાખ્યું હતું. જેમાં તેમના પત્ની, પુત્રી, પુત્ર ઉમેશ સહિતના વ્યક્તિઓ કામ કરી ત્યાં જ વસવાટ કરે છે.
આ પરિવાર શનિવારે રાત્રે નિદ્રાધીન થયા પછી રવિવારે સવારે પાંચેક વાગ્યે જીજે-૧૦-બીએન ૩૦૧ નંબરની બોલેરો ધસી આવી હતી. તેમાંથી ઉતરેલા વિક્રમ શમસિંગ દેહીજા, ગોટુ માવી અને બે અજાણ્યા શખ્સે ધમાલ મચાવી હતી. આ શખ્સોએ ઉમેશ, કૈલાશભાઈના પત્ની ઉષાબેન અને પુત્રી નિશાને માર મારવા ઉપરાંત ત્રણેય વ્યક્તિને બળ વાપરી ધરારથી બોલેરોમાં બેસાડી દઈ અપહરણ કરી લીધાની કૈલાશભાઈએ કાલાવડ પોલીસ સ્ટેશનમાં ફરિયાદ નોંધાવી છે.
થોડા સમય પહેલાં વિક્રમ શમસિંગની બહેનને કૈલાશભાઈ નો સાળો દિનેશ ભગાડી ગયો હતો. તેનો ખાર રાખી આ શખ્સોએ રવિવારે વહેલી સવારે ધુનધોરાજી ગામ સ્થિત ખેતરમાં નિદ્રાધીન કૈલાશભાઈના પરિવાર પર હલ્લો કર્યાે હતો. પોલીસને જાણ કરાતા પોલીસે નાકાબંધી કરાવી તપાસનો ધમધમાટ શરૂ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
