Author: નોબત સમાચાર
જામનગરમાં ઠંડીનો ચમકારોઃ ન્યુનતમ તાપમાન ૧૩.૮ ડીગ્રી
જામનગર તા. ૬: ઉત્તર ભારતના પહાડી વિસ્તારોમાં હિમવર્ષાનો દોર ચાલી રહ્યો છે. જમ્મુ-કાશ્મીર, ઉત્તરાખંડ તથા હિમાચલ પ્રદેશમાં પડી રહેલી ભારે હિમવર્ષાના પગલે ત્યાંનો મોટાભાગનો વિસ્તાર બરફ આચ્છાદીત થઈ ગયો છે. ઝરણા અને ઝીલ થીજી ગયા છે. કાતિલ ઠંડીના પગલે જનજીવન ઠૂંઠવાઈ ગયું છે. લોકોને ભારે હાલાકીનો સામનો કરવો પડી રહ્યો છે. દિલ્હી, હરિયાણા, પંજાબ, ઉત્તરપ્રદેશ, બિહાર, રાજસ્થાન, ગુજરાત સહિતના રાજ્યોમાં તેની અસર પડી રહી છે.
જામનગરમાં આજે સવારે પૂરા થતા ચોવીસ કલાક દરમિયાન નહીંવત્ ઘટીને લઘુતમ તાપમાન ૧૩.૮ ડીગ્રી અને ૧.૯ ડીગ્રીના ઘટાડા સાથે મહત્તમ તાપમાન રપ.૬ ડીગ્રી નોંધાયું હતું. પવનની ગતિ વધીને પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી. તાપમાન ઘટતા અને પવનની ગતિમાં થયેલા વધારાના પગલે જામનગરમાં ઠંડીનો ચમકારો અનુભવાયો હતો. રાતથી લઈને વહેલી સવાર સુધી ખાસ કરીને ગ્રામ્ય વિસ્તારો અને ધોરીમાર્ગો પર વધારે ઠંડી પડી હતી. જામનગરના વાતાવરણમાં ભેજનું પ્રમાણ ૩ર ટકા ઘટીને પ૩ ટકા રહ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
