Author: નોબત સમાચાર
ખેતીકામ પછી માવતરે જવાનું કહેવાતા મહિલાનું વિષપાનઃ બે વ્યક્તિના આપઘાત
બે જોડી કપડા લઈ દેવાનું કહી લાંબાની યુવતીએ ખાઈ લીધો ગળાફાંસોઃ
જામનગર તા.૬ : કાલાવડના નાની નાગાજણ ગામમાં ખેતમજૂરી માટે આવીને રહેતા પરપ્રાંતીય શ્રમિક પરિવારના મહિલાએ માવતરે જવાની જીદ્દ કર્યા પછી ઝેરી દવા પી જિંદગીનો અંત આણ્યો છે. જ્યારે કલ્યાણપુરના લાંબામાં બે જોડી નવા કપડા લઈ આપવાનું માતાને કહી એક યુવતીએ ગળાટૂંપો ખાઈ લીધો છે. ગોઈંજ ગામના પરિણીતાએ અગમ્ય કારણથી ગળાફાંસો ખાધો છે અને સતાપર ગામમાં ખેતમજૂરી કરતા એક પરપ્રાંતીયે ઝેરના પારખા કર્યા પછી તેનું સારવારમાં મૃત્યુ થયું છે. પોલીસે તમામ બનાવની ઉંડાણપૂર્વકની તપાસ હાથ ધરી છે.
કાલાવડ તાલુકાના નાની નાગાજણ ગામમાં ભરતભાઈ દેવદાનભાઈ મૈયડ નામના ખેડૂતના ખેતરમાં મજૂરીકામ માટે આવીને રહેતા મધ્યપ્રદેશ ના ધાર જિલ્લાના નલવાણીયા ગામના વતની દીપકભાઈ જેન્દ્રીયાભાઈ દાવદ નામના શ્રમિકના પત્ની સોનુબેન (ઉ.વ.૧૯)એ પોતાના માવતરે આંટો મારવા જવા માટે ઈચ્છા વ્યક્ત કરી હતી. સાસુ, સસરા તથા પતિને તે બાબતે પૂછવામાં આવતા તેઓએ હાલમાં ખેતી કામ ચાલુ છે, થોડા દિવસ પછી માવતરે જજે તેમ કહેતા આ પરિણીતાએ ગઈ તા.૩૦ની બપોરે કોઈ ઝેરી દવા પી લીધી હતી. સારવારમાં ખસેડવામાં આવેલા સોનુબેનનું ગઈકાલે મૃત્યુ નિપજ્યું છે. પોલીસે મૃતદેહને પીએમ માટે ખસેડી સસરા જેન્દ્રીયાભાઈ થમારીયા ભાઈનું નિવેદન નોંધ્યું છે.
દેવભૂમિ દ્વારકા જિલ્લાના કલ્યાણપુર તાલુકાના સતાપર ગામના દવુભાઈ કંડોરીયાની વાડીમાં રહેતા અને ત્યાં જ મજૂરીકામ કરતા મૂળ મધ્યપ્રદેશના બહાદુરભાઈ કેલસિંગ (ઉ.વ.૩૫) નામના શ્રમિકે શનિવારે સાંજે કોઈ અકળ કારણથી ઝેરી દવા પીધી હતી. સારવાર માટે જામનગર જીજી હોસ્પિટલમાં ખસેડાયેલા આ શ્રમિકનું ગઈકાલે મૃત્યુ નિપજ્યું છે. તેમના પત્ની મંટુબેન આદિવાસીનું પોલીસે નિવેદન નોંધ્યું છે.
કલ્યાણપુર તાલુકાના લાંંબા ગામમાં ગૌશાળા પાસે રહેતા પ્રગતિબેન અરજણભાઈ ધોકીયા (ઉ.વ.૧૮) નામના યુવતીએ પોતાના માતા ક્રિષ્નાબેનને બે જોડી નવા કપડા લઈ દેવા માટે આગ્રહ કર્યાે હતો પરંતુ માતાએ કપડા લેવાની ના પાડતા માઠું લાગી આવવાથી આ યુવતીએ શનિવારે સવારે પોતાના ઘરમાં ગળાફાંસો ખાઈ લીધો હતો. કલ્યાણપુર પોલીસે મૃતદેહનો કબજો સંભાળી માતાનું નિવેદન નોંધ્યું છે.
ખંભાળિયા તાલુકાના ગોઈંજ ગામમાં રહેતા હંસાબેન રાજેશભાઈ મકવાણા (ઉ.વ.ર૮) નામના પરિણીતાએ કોઈ અકળ કારણથી શુક્રવારે પોતાના ઘરે કોઈ કારણથી મરી જવાનો નિર્ણય કરી ગળાટૂંપો ખાઈ લીધો હતો. તેઓનું મૃત્યુ નિપજ્યું છે. પતિ રાજેશભાઈ અરશીભાઈ મકવાણાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
