Author: નોબત સમાચાર
સારવારમાં થયેલા ખર્ચ અંગે વ્યાજ સાથે ક્લેઈમ ચૂકવવા વીમા કંપનીને આદેશ
પ્રિમિયમ મેળવી પોલિસી ચાલુ કરી આપવા હુકમઃ
જામનગર તા.૬ : જામનગરના એક આસામીએ મેડિક્લેઈમ પોલિસી મેળવ્યા પછી ઓપરેશન કરાવવુું પડ્યું હતું. તેના ખર્ચનો ક્લેઈમ વીમા કંપનીએ રદ્દ કરતા ગ્રાહક ફોરમ સમક્ષ ધા નખાઈ હતી. ફોરમે ક્લેઈમ છ ટકા વ્યાજ સાથે ચૂકવવા હુકમ કર્યાે છે.
જામનગરના રમણીકલાલ ગોરેચા નામના આસામીએ કેર હેલ્થ ઈન્સ્યુરન્સ કંપની પાસેથી મેડિક્લેઈમ પોલિસી મેળવી હતી. તે પછી તેઓ બીમાર પડતા ખાનગી હોસ્પિટલમાં સારવાર કરાવવી પડી હતી. ઓપરેશનમાં રૂ.પ,૨૯,૭૬૦ નો ખર્ચ થયો હતો.
તે તમામ બીલ વગેરે રજૂ કરી વીમા ધારકે વળતર માંગ્યું હતુંં. વીમા કંપનીએ ખોટી રીતે તે ક્લેઈમ રદ્દ કર્યાે હતો. આથી જિલ્લા ગ્રાહક તકરાર નિવારણ ફોરમમાં ફરિયાદ કરાઈ હતી. તે ફરિયાદ ચાલી જતાં ફોરમે ક્લેઈમની પુરી રકમ છ ટકા વ્યાજ સાથે તેમજ ત્રાસ અને ખર્ચ પેટે રૂ.પ હજાર અલગથી ચૂકવવા અને પ્રિમિયમ મેળવી ફરીથી પોલિસી ચાલુ કરી આપવા વીમા કંપનીને હુકમ કર્યાે છે. ફરિયાદી તરફથી વકીલ વસંત ગોરી, દીપક નાનાણી, નેહલ સંચાણીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
