ખંભાળિયા સોનલબીજ ઉત્સવમાં ઉપસ્થિત જિલ્લા કલેકટરનું સમાજ દ્વારા કરાયું સન્માન

Author: નોબત સમાચાર

ખંભાળિયા સોનલબીજ ઉત્સવમાં ઉપસ્થિત જિલ્લા કલેકટરનું સમાજ દ્વારા કરાયું સન્માન

સોનલમાં એ સમાજના ઉત્થાન માટે કરેલા કાર્યોને બીરદાવાયાઃ

જામખંભાળિયા તા. ૬: ખંભાળિયામાં સોનલબીજ ઉત્સવમાં કલેકટર જી.ટી. પંડયાએ સોનલમાં એ સમાજના ઉત્થાન માટે કરેલ કાર્યો અને ક્રાંતિકારી વિચારોને યાદ કર્યા હતા. સમાજ દ્વારા કલેકટરનું સન્માન કરાયું હતું.

દેવભૂમિ દ્વારકા જિલ્લાના મુખ્ય મથક ખંભાળિયામાં આવેલ સોનલધામમાં સોનલ જન્મોત્સવમાં જિલ્લા કલેકટર જી.ટી. પંડયાએ ખાસ હાજરી આપી હતી અને સોનલબીજની સર્વેને શુભકામના પાઠવી હતી. આ તકે સમાજ અગ્રણીઓ દ્વારા સન્માનિત કરવામાં આવ્યા હતા.

ખંભાળિયા જડેશ્વર રોડ પર આવેલ સોનલધામમાં સોનલ માતાજીના મંદિરે સોનલમાંના પ્રાગટય દિવસની ભાવભેર ઉજવણી કરવામાં આવી હતી. આ જન્મોત્સવમાં જિલ્લા કલેકટર જી.ટી. પંડયાની સાથે ખંભાળિયા મામલતદાર વિક્રમ વરૂએ હાજરી આપી હતી.

આ તકે કલેકટર જી.ટી. પંડયાએ સોનલમાં એ સમાજના ઉત્થાન માટે કરેલ કાર્યો અને ક્રાંતિકારી વિચારોને યાદ કર્યા હતા. સોનલમાંના જન્મદિવસની સર્વેને શુભકામના પાઠવી હતી. આ તકે સોનલધામ ટ્રસ્ટ અને શ્રી સોનલમાં એજયુકેશન ટ્રસ્ટ તેમજ સમાજ અગ્રણીઓ રાણાભાઈ જામ, પરબતભાઈ ગઢવી, મહેશભાઈ મોવર, નવલભાઈ ધારાણી, ખીમાભાઈ રૂડાચ, કિશોરભાઈ રૂડાચ, ભાયાભાઈ સિંધિયા, પ્રવિણભાઈ માયાણી, દેવુભાઈ જામ દ્વારા અધિકારીઓનું સન્માન કરવામાં આવ્યું હતું.

ઉલ્લેખનિય છે કે, સોનલમાંએ સમાજમાં ચાલતી અંધશ્રદ્ધા દૂર કરવા અને સામાજિક વિકાસ માટે અનેક સંદેશાથી સાચી રાહ ચીંધી રૂઢી ચુસ્તતા છોડાવી સમાજને કન્યા કેળવણી તરફ લઈ જઈ અઢારેય વર્ણને શિક્ષિત બનાવવા પ્રેરણા આપી, સમાજ ઉત્થાન માટેના કાર્યો ફળદાઈ બન્યા છે. લાખો લોકો માટે સોનલમાં આસ્થા વિશ્વાસ અને અતૂટ શ્રદ્ધાનું કેન્દ્ર છે.

જો આપને આ પોસ્ટ ગમી હોય તો શેર કરો...