Author: નોબત સમાચાર
સલાયાની બોટ મુન્દ્રા નજીક દરિયામાં ડૂબીઃ પાંચ માછીમારોને પોલીસે બચાવ્યા
દેવભૂમિ દ્વારકા જિલ્લાના ખંભાળિયા નજીક આવેલા
સલાયા તા. ૬: દેવભૂમિ દ્વારકા જિલ્લાના ખંભાળિયા નજીકના સલાયાના પાંચ માછીમારો નુરે શકુર બોટ સાથે દરિયામાં માછીમારી માટે ગયા હતાં, ત્યારે બોટમાં ક્ષતિ સર્જાતા માછીમારો મુશ્કેલીમાં મૂકાયા હતાં. તુરંત જ તેમણે મુન્દ્રા પોલીસનો સંપર્ક કરતા પોલીસ કર્મચારીઓ તાબડતોબ ઈન્ટર સેપ્ટર બોટ લઈને પહોંચ્યા હતાં અને તમામ પાંચ માછીમારોને બચાવી લીધા હતાં, ત્યારે બોટ પાણીમાં ડૂબી જવા પામી હતી.
સલાયાના ભાયા સિદ્દિક મુસાભાઈ, સંઘાર મહેબુબભાઈ, અગરિયા વલીમામદભાઈ હુશેનભાઈ, આબા અજીજ કાસમભાઈ અને ભોકલ અકબરભાઈ ઈલિયાશભાઈ કચ્છના દરિયામાં માછીમારી કરતા હતાં, ત્યારે બોટમાં ક્ષતિ સર્જાતા તેમણે પોલીસની મદદ માંગી હતી. આ સમયે મુન્દ્રા બેસ્ટ પોર્ટ એસ.પી.એમ. વિસ્તારમાં હતાં. ત્યારે તેઓની બોટ ડૂબવા લાગી હતી.
આથી તાત્કાલિક પોલીસની ઈન્ટરસેપ્ટર બોટ તેમની મદદે પહોંચી હતી અને તમામ પાંચ માછીમારોને પોલીસે બચાવી લીધા હતાં, જ્યારે બોટ પાણીમાં ગરકાવ થઈ ગઈ હતી.
આ પછી તમામ માછીમારોએ પોલીસનો આભાર વ્યક્તકર્યો હતો. આમ પોલીસે તાત્કાલિક કાર્યવાહી કરતા પાંચ માછીમારોના જીવ બચ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
